भारतसँगको एकदिवसीय शृङ्खला अष्ट्रेलियाले जित्यो

मंसिर १४, २०७७ आइतबार १८:११:४७ | उज्यालो सहकर्मी

काठमाण्डाै - भारतसँगको एकदिवसीय क्रिकेट शृङ्खला अष्ट्रेलियाले जितेको छ । आज भएको दोस्रो एकदिवसीय क्रिकेट ५१ रनले जितेसँगै ३ खेलको शृङखला अष्ट्रेलियाले २–० ले जितेको छ ।

आज सिड्नीमा अष्ट्रेलियाले दिएको ३ सय ९० रनको लक्ष्य पछ्याएको भारतले ५० ओभरमा ९ विकेट गुमाएर ३ सय ३८ रन मात्रै बनाउन सक्यो । भारतका लागि कप्तान विराट कोहलीले सर्वाधिक ८९ रन बनाए भने के एल राहुलले ७६, श्रेयस ऐअरले ३८, शिखर धवनले ३०, मयंक अग्रवाल र हार्दिक पाण्ड्याले समान २८ र रविन्द्र जडेजाले २४ रन बनाए ।

अष्ट्रेलियाका प्याट कमिन्सले ३ तथा जस हज्लउड र एडम जम्पाले समान २/२ विकेट लिए । यसअघि टस जितेर पहिले ब्याटिङ थालेको अष्ट्रेलियाले निर्धारित ५० ओभरमा ४ विकेट गुमाएर ३ सय ८९ रन बनायो । उसका लागि स्टिभ स्मिथले १ सय ४ रनको शतकीय पाली खेले । उनले पहिलो खेलमा पनि शतक हानेका थिए ।

यस्तै डेविड वार्नरले ८३, मार्नुस लबुसचेज्नले ७० र एरोन फिन्चले ६० रन बनाए । ग्लेन म्याक्सवेल ६३ रनमा नटआउट रहे । तेस्रो एकदिवसीय आउँदो बुधबार हुनेछ । अष्ट्रेलिया भ्रमणमा रहेको भारतले ३ वटा ट्वेन्टी, ट्वेन्टी र ४ वटा खेलको टेस्ट शृङ्खला पनि खेल्नेछ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्