आज कोशी, बाग्मती, गण्डकी र कर्णालीका एक/दुई ठाउँमा हल्का पानी...
बैशाख ७, २०८१ शुक्रबार
काठमाण्डाै – प्रधानमन्त्री कप राष्ट्रिय महिला ट्वान्टी ट्वान्टी क्रिकेटमा आज पनि दुई वटा खेल हुँदैछन् ।
दाङको देउखुरी मैदानमा बिहान साढे ९ बजेपछि कर्णाली प्रदेश र लुम्बिनी प्रदेश खेल्नेछन् । लुम्बिनी प्रदेश लगातार दोस्रो जितको खोजीमा हुनेछ भने कर्णाली प्रदेश पहिलो जितको खोजीमा हुनेछ । लुम्बिनी प्रदेशले पहिलो खेलमा हिजो प्रदेश २ लाई हराएको थियो ।
कर्णाली प्रदेश भने एपीएफसँग पराजित भएको थियो । यस्तै आजै दिउँसो एपीएफ र प्रदेश नम्बर २ बीच प्रतिस्पर्धा हुनेछ । एपीएफ पनि लगातार दोस्रो जितको लक्ष्यका साथ मैदान उत्रनेछ । प्रदेश २ भने पहिलो जितको खोजीमा हुनेछ । दुई समूहमा विभाजन गरिएको यो प्रतियोगिताका शीर्ष २ टिम सेमिफाइनल पुग्नेछन् ।