अस्ट्रेलियासँगकाे दाेस्राे टेस्टमा भारत ८ विकेटले विजयी, शृङ्खलामा १–१ काे बराबरी

पुष १४, २०७७ मंगलबार १०:३६:३३ | उज्यालो सहकर्मी

काठमाण्डाै – अस्ट्रेलियासँगको दोस्रो टेस्टमा भारत विजयी भएको छ । अस्ट्रेलियाले दिएको ७० रनको लक्ष्य भारतले दुई विकेटको क्षतिमा भेट्टाएको हो ।

भारतका लागि मयङ्क अग्रवाल पाँच र चेतेश्वर पुजारा तीन रनमा आउट भए भने शुभमन गिल ३५ र अजिन्क्या रहाणे २७ रनमा नटआउट रहे । अस्ट्रेलियाका लागि मिचेल स्टार्क र प्याट कुमिन्सले एक–एक विकेट लिए ।

दोस्रो पारीमा अस्ट्रेलिया दुई सय रनमा अलआउट भएको हो । उसका लागि क्यामरन ग्रीनले ४५ र म्याथ्यु वेडले ४० रन बनाएका थिए । बलिङतर्फ भारतका लागि मोहम्मद सिराजले तीन विकेट लिँदा जसप्रित बुमराह, रविचन्द्रन अश्विन र रविन्द्र जडेजाले समान दुई–दुई विकेट तथा उमेश यादवले एक विकेट लिएका थिए ।

अस्ट्रेलियाले पहिरो पारीमा एक सय ९५ रन बनाएको थियो । उसका लागि मार्नुस लाबुशानेले ४८, ट्राभिस हेडले ३८ र म्याथ्यु वेडले ३० रन बनाएका थिए । बलिङतर्फ भारतका लागि जसप्रित बुमराहले चार, रविचन्द्रन अश्विनले तीन, मोहम्मद सिराजले दुई तथा रविन्द्र जडेजाले एक विकेट लिएका थिए ।

भारतले भने पहिलो पारीमा तीन सय २६ रन बनाएको थियो । उसका लागि अजिन्क्या रहाणेले एक सय १२ रन बनाएका थिए । साथै रविन्द्र जडेजाले ५७ र शुभमन गिलले ४५ रनको योगदान गरेका थिए । बलिङतर्फ अस्ट्रेलियाका मिचेल स्टार्क र नाथन लियनले तीन–तीन विकेट लिए भने प्याट कुमिन्सले दुई र जोश हेजलवूडले एक विकेट लिए ।

भारतले दोस्रो टेस्ट जितेसँगै चार खेलको शृङ्खलामा एक–एकको बराबरी भएको छ । पहिलो टेस्टमा अस्ट्रेलिया आठ विकेटले विजयी भएको थियो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्