पीएम कप महिला क्रिकेट : उपाधिका लागि भाेलि एपीएफ र प्रदेश एक भिड्ने

पुष १८, २०७७ शनिबार १९:५५:५५ | उज्यालो सहकर्मी

काठमाण्डाै – प्रधानमन्त्री कप महिला क्रिकेट प्रतियोगिताको उपाधिका लागि विभागीए टिम एपीएफ र प्रदेश एक भाेलि भिड्ने भएका छन् । आज भएको दोस्रो सेमिफाइनलमा रुवीना क्षेत्रीको कप्तानीमा रहेको प्रदेश एकले लुम्बिनी प्रदेशलाई १० विकेटले हराउँदै फाइनलमा स्थान बनायो ।

लमही क्रिकेट मैदानमा टस जितेर पहिले ब्याटिङ गरेको लुम्बिनी १४ ओभर एक बलमा मात्र ५२ रनमा अलआउट भयो । उसका एक खेलाडीले मात्र दोहोरो अंक छुन सके । जसमा नितू भण्डारीले २१ रन बनाउँदा बाँकी खेलाडी एकोहोरो रुपमा आउट भए ।

खराब सुरुवात गरेको लुम्बिनीले मात्र दुई रन हुँदा पहिलो विकेट गुमायो । पाँच रनमा दोस्रो विकेट गुमाएको उसले १८ रन बनाउँदा तेस्रो विकेट खेर फाल्यो । त्यसपछि २१ रन हुँदा उसले महत्वपुर्ण पाँच विकेट गुमाएको थियो ।

एकपछि अर्को विकेट गुमाएको लुम्बिनी अन्तिममा ५२ रनमा अलआउट भयो । उसका चार खेलाडीले खाता खोल्न सकेनन् भने १० खेलाडीले दोहोरो अंक बनाउन सकेनन् । लुम्बिनीको पारीलाई ध्वस्त पार्नका लागि निमा तामाङ र संगिता राईले दुई दुई विकेट लिए ।

जवाफमा प्रदेश एकले ८ ओभर पाँच बलमा विना विकेटको क्षतीमा लक्ष्य पूरा गर्यो । उसको जितमा कप्तान रुविना क्षेत्रीले अविजीत २६ रन बनाइन भने काजल श्रेष्ठले पनि अविजीत २२ रन बनाइन ।

यसअघि पहिलो सेमिफाइनलमा एपीएफले सुदूरपश्चिमलाई नौ विकेटले हराउँदै फाइनलमा स्थान बनाइसकेको छ । फाइनल खेल भोली ९आइतबार० हुनेछ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्