प्रदेश २ नेकपा संसदीय दलकाे नेतामा महताे चयन

पुष २१, २०७७ मंगलबार १६:२:४० | धनवीर महतो

महाेत्तरी – नेपाल कम्युनिस्ट पार्टी (नेकपा) काे प्रचण्ड–माधव समूहले प्रदेश २ का संसदीय दलको नेताबाट सत्यनारायण मण्डललाई हटाएको छ । मण्डललाई हटाउँदै नेकपाकाे प्रदेश नम्बर २ को संसदीय दलको नेतामा शत्रुघ्न महतो चयन हुनुभएकाे छ ।

संसदीय दलकाे नेतामा उहाँकाे एकल उम्मेदवारी परेपछि मङ्गलबार उहाँ दलको नेतामा निर्विरोध रूपमा चयन हुनुभएको हो ।

चुनाव कार्यक्रमअन्तर्गत मङ्गलबार दिउँसो २ बजेसम्म मनोनयन दर्ता र पाैने ३ बजे उम्मेदवारीको अन्तिम नामावली प्रकाशन गर्ने निर्धारित तालिका रहेकोमा महतोको एकल उम्मेदवारी परेपछि उहाँ संसदीय दलको नेता बन्नुभएकाे निर्वाचन संयोजक जगतप्रसाद यादवले बताउनुभयाे ।

प्रचण्ड–नेपाल पक्षको प्रस्तावमा महतो संसदीय दलको नेता चयन हुनुभएकाे हाे । प्रधानमन्त्री केपी शर्मा ओली पक्षधर सांसद दलको बैठकदेखि चुनाव प्रक्रियासम्म सहभागी भएका थिएनन् ।

मङ्गलबार नै बसेको नेकपा प्रदेश संसदीय दलको बैठकले सत्यनारायण मण्डलविरुद्धको अविश्वासको प्रस्ताव पारित गरेको थियो । उपनेता रामकुमार यादवको अध्यक्षतामा बसेको दलको बैठकले अविश्वास प्रस्ताव पारित गरेको थियो ।

प्रदेश २ संसदीय दलको उपनेतामा रामकुमार यादव, प्रमुख सचेतकमा सुन्दरबहादुर विश्वकर्मा र सचेतकमा बेची लुङ्गेली रहेका छन् । बैठकलगत्तै नेकपाका प्रदेश सभा सदस्यहरूले सभामुख सरोजकुमार यादवलाई नेकपा संसदीय दलको बैठकले गरेको निर्णयबारे जानकारी गराएका छन् ।

प्रदेश नम्बर २ मा नेकपाका ३२ जना सांसद रहेका छन् ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्