कांग्रेस सांसद गुरुङको निलम्बन फुकुवा
बैशाख १२, २०८१ बुधबार
काठमाण्डौ – भारतसँगको तेस्रो टेस्टको पहिलो पारीमा अस्ट्रेलियाले तीन सय ३८ रन बनाएको छ ।
सिड्नी क्रिकेट मैदानमा भएको खेलमा अस्ट्रेलियाका लागि स्टिभ स्मिथले सानदार शतकीय पारी खेले । उनले दुई सय २६ बलमा १६ चौकाको मदतमा एक सय ३१ रन बनाए । साथै मार्नस लाबुशेनले ९१ रन र विल पुकोस्कीले ६२ रनको योगदान गरे ।
अस्ट्रेलियालाई तीन सय ३८ रनमा रोक्न स्पिनर रविन्द्र जडेजाले मात्र ६२ रन खर्चिँदै चार विकेट लिए । यस्तै जसप्रित बुमराह–नवदीप सैनीले दुई–दुइ विकेट लिँदा मोहम्मद सिराजले एक विकेट हात पारे ।
पहिलो पारीको ब्याटिङ सुरु गरेको भारतले दोस्रो दिनको खेल सकिँदा दुई विकेटको क्षतिमा ९६ रन बनाएको छ । उसका शुभमन गिल ५० र रोहित शर्मा २६ रनमा आउट भए ।
अस्ट्रेलियाका लागि जोश हेजलवूड र प्याट कमिन्सले एक–एक विकेट लिएका छन् ।
यी दुई देशले चार खेलकाे टेस्ट शृङ्खला खेल्न लागेका हुन् । अहिलेसम्म यी दुईले एक–एककाे बराबरी गरेका छन् ।