प्राधिकरणको सीईओमा दोस्रो पटक ज्ञवाली, भन्छन् : तोकिएकै समयमा पुनर्निर्माणका काम सक्छु

साउन ३१, २०७५ बिहीबार १५:३६:२४ | उज्यालो सहकर्मी

काठमाडौं – राष्ट्रिय पुनर्निर्माण प्राधिकरणका नवनियुक्त प्रमुख कार्यकारी अधिकृत (सीईओ) सुशील ज्ञवालीले तोकिएकै समयभित्र पुनर्निर्माणका काम सक्ने प्रतिवद्धता गर्नुभएको छ ।

बिहीबार पदबहाली गर्दै नवनियुक्त सीईओ ज्ञवालीले तत्काल पुनर्निर्माणको ठोस कार्ययोजना बनाएर अगाडि बढ्ने बताउनुभयो । उहाँले विगतमा भएका कामको समीक्षासहित छिट्टै नयाँ कार्ययोजना सार्वजनिक गर्ने जानकारी दिनुभयो । ज्ञवालीले स्थानीय तहसँगको सहकार्यमा नागरिक सहभागितामा पुनर्निर्माणमा काम गरी यो वर्षलाई पुनर्निर्माणको वर्ष बनाउने दावी समेत गर्नुभयो ।

सुरुवाति चरणमा पुनर्निर्माणको जग बसाल्ने काममा आफूसहित कर्मचारी संयन्त्र खटेको स्मरण गर्दै सीईओ ज्ञवालीले विगतको अनुभव र सिकाईबाट नै पुनर्निर्माणमा देखिएका समस्यालाई समाधान गर्ने दावी गर्नुभयो । नवनियुक्त प्रमुख कार्यकारी अधिकृत ज्ञवालीलाई कार्यसमिति सदस्य तथा कर्मचारीले स्वागत गरेका थिए । प्राधिकरणका सचिव अर्जुन कार्कीले पुनर्निर्माणमा देखिएका नीतिगत समस्या र झन्झटिला प्रक्रियालाई फुकाउँदै यसैवर्ष निजी आवास पुननिर्माणको काम सक्ने बताउनुभयो ।

मंगलबार बसेको मन्त्रिपरिषद्को बैठकले ज्ञवालीलाई प्राधिकरणको सीईओमा पुनः नियुक्त गर्ने निर्णय गरेको थियो । मन्त्रिपरिषद्को असार २० गतेको निर्णयले युवराज भुषाल पदमुक्त भएपछि प्राधिकरण नेतृत्वविहीन थियो ।

प्राधिकरणमा तीन वर्षको अवधिमा पाँचपटक सीईओ परिवर्तन भएको छ । त्यस्तै सचिव र कर्मचारी पनि फेरबदल भैरहँदा पुनर्निर्माणमा प्रभावित हुँदै आएको छ । भूकम्पबाट प्रभावित संरचनाको पुनर्निर्माण सम्वन्धि ऐन २०७२ ले पुनर्निर्माणको अवधि ५ वर्ष तोकिएको छ ।

यो ऐन लागू भएको २ वर्ष ७ महिना बितिसकेको छ । भूकम्पले भत्केका झण्डै ८ लाख घर मध्ये अहिलेसम्म २ लाख ६९ हजार घर बनेको प्राधिकरणको तथ्याङक छ ।

लाभग्राही सूचीमा परेको संख्या ८ लाख ७४ हजार ८६
अनुदान सम्झौता सम्पन्न संख्या ७ लाख २२ हजार १ सय ७४
पहिलो किस्ता वितरण भएको ७ लाख १४ हजार १ सय ९६
दोश्रो किस्ता वितरण भएको ४ लाख ६९ हजार ४ सय ४८
तेस्रो किस्ता वितरण भएको २ लाख २८ हजार ८९
निर्माण सम्पन्न भएका घर २ लाख ६९ हजार ५ सय ७३
बन्दै गरेका घरहरुको संख्या ५ लाख ४१ हजार २७

अन्तिम अपडेट: फागुन २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्