अस्ट्रेलिया–भारत : सिड्नी टेस्ट बराबरी

पुष २७, २०७७ सोमबार १३:५५:५७ | उज्यालो सहकर्मी

काठमाण्डाै – भारत र अस्ट्रेलियाबीच सिड्नीमा भएको तेस्रो टेस्ट बराबरीमा रोकिएको छ ।

सिड्नी टेस्टको अन्तिम दिन भारतले जितका लागि चार सय सात रन बनाउनुपर्ने थियो । यद्यपि खेल सकिँदासम्म भारतले पाँच विकेट गुमाएर तीन सय ३४ रन बनायो । भारतीय टिमका धेरै खेलाडी घाइते भएका कारण उसका लाग यो टेस्ट बराबरी गराउनु नै महत्त्वपूर्ण भएको छ ।

सिड्नी टेस्टको पाँचौँ तथा अन्तिम दिन चेतेश्वर पुजारा र ऋषभ पन्तको साझेदारीले खेल रोमाञ्चक स्थितिमा पुगेको थियो ।

तर उनीहरु आउट भएपछि रविचन्द्रन अश्विन र हनुमा विहारीले उत्कृष्ट खेल पस्कँदै अन्तिमसम्म टिकिरहे । यी दुईले ६२ रनको साझेदारी गरे । घाइते भएका बिहारीले एक सय ६१ बलमा २३ र अश्विनले एक सय २८ बलमा ३९ बनाए ।

यसअघि पुजारा र पन्तले पाँचौँ विकेटका लागि एक सय ४८ रनको उत्कृष्ट साझेदारी गरे ।

ऋषभ पन्त मात्र तीनले शतकबाट चुके । पुजारा पनि ७७ रन बनाएर आउट भए ।

पन्तले एक सय १८ बलमा १२ चौका र तीन छक्का प्रहार गरे । तर ९७ रनमा उनी अफ स्पिनर नाथन लायनको बलमा प्याट कमिन्सको हातबाट क्याच आउट भए ।

पुजाराले सम्हालिँदै दुई सय पाँच बलमा ७७ रन बनाए । उनी जो हेजलवुडको बलमा बोल्ट आउट भए । त्यो बेला भारतको योगफल दुई सय ७२ रन थियो ।

खेलको अन्तिम दिन भारतको सुरुवात राम्रो भएन र दोस्रो ओभरमा नै कप्तान अजिन्क्या रहाणे आउट भए ।

पाँचौँ दिनको दोस्रो ओभरको चौथो बलमा रहाणे नाथल लायनको बलमा शर्ट लेगमा उभिएका मार्नस लाबुशेनको हातबाट क्याच आउट भए ।

रहाणे मात्र चार रन बनाएर आउट भए । चौथो दिनको आफ्नो योगफलमा रहाणे एक रन पनि जोड्न सकेनन् । पुजारासँग रहाणेले तेस्रो विकेटका लागि २१ रन जोड्न सके ।

यद्यपि ऋषभ पन्त ब्याटिङ गर्न आएपछि भारतले केही राहत महसुस गर्यो । रविन्द्र जडेजाका साथै पन्त पनि घाइते थिए र चौथो दिनपछि उनले ब्याटिङ गर्ने पक्का भइसकेको थिएन ।

दोस्रो पारीमा रोहित शर्मा (९८ बलमा ५२, पाँच चौका, एक छक्का) र शुभमन गिल (३१ रन) ले राम्रो सुरुवात गरे । यी दुईले पहिलो विकेटका लागि ७१ रन जोडे ।

यही योगफलमा शुभमन गिल आउट भएको केही समयपछि रोहित शर्मा पनि आउट हुँदा चौथो दिनको खेल सकिँदासम्म भारतले ९८ रनमा दुई विकेट गुमाएको थियो ।

खेलको चौथो दिन अस्ट्रेलिया आफ्नो दोस्रो पारीमा ब्याटिङ गरिरहँदा भारतीय बलर मोहम्मद सिराजलाई फेरि अस्ट्रेलियाका समर्थकले अपशब्द बोल्दा खेल १० मिनेट रोक्न परेको थियो ।

अस्ट्रेलियाले आफ्नो दोस्रो पारीमा क्यामरन ग्रीनले ८४, स्टिभ स्मिथले ८२, लाबुशेनले ७३ र कप्तान टिम पेनले अविजित ३९ रनको मदतमा ६ विकेटको क्षतिमा तीन सय १२ रन बनाएर पारी सकिएको घोषणा गरेको थियो ।

अस्ट्रेलियाले पहिलो पारीमा तीन सय ३८ तथा भारतले दुई सय ४४ रन बनाएकाे थियाे ।

तेस्रो टेस्ट ड्र हुँदा चार खेलको शृङ्खलामा एक–एकको बराबरी भएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अस्ट्रेलिया–भारत : सिड्नी टेस्ट बराबरी

तस्बिर : एजेन्सी

तपाईको प्रतिक्रिया