महिला लिग : एपीएफले आर्मीलाई २–० ले हरायो

माघ १३, २०७७ मंगलबार १७:२६:१५ | उज्यालो सहकर्मी

काठमाण्डाै – राष्ट्रिय महिला लिगमा एपीएफले लगातार तेस्रो जित निकालेको छ । मङ्गलबार भएको खेलमा त्रिभुवन आर्मी क्लबलाई २–० ले हराएर एपीएफले तेस्रो जित निकालेको हो ।

ललितपुरको सातदोबाटोमा रहेको एन्फा कम्प्लेक्समा भएको खेलमा एपीएफकी अन्जलीकुमारी योञ्जन र सरु लिम्बुले एक/एक गोल गरिन् । एपीएफले दुवै गोल पहिलो हाफमा गरेको थियो ।

जितसँगै एपीएफ तीन खेलमा नाै अङ्क जोड्दै शीर्ष स्थानमा छ । आर्मी तीन खेलमा चार अङ्कसहित तेस्रो स्थानमा छ ।

यस्तै मङ्गलबार भएको पहिलो खेलमा विभागीय टिम नेपाल पुलिस क्लब र स्याङ्जाको वालिङ नगपालिकाले बराबरी खेलेका छन् ।

अन्तिम अपडेट: बैशाख १४, २०८१

महिला लिग : एपीएफले आर्मीलाई २–० ले हरायो

तस्बिर : एन्फा

तपाईको प्रतिक्रिया