वाग्मतीलाई हराउँदै आर्मी पीएम कपकाे फाइनलमा, उपाधिका लागि एपीएफसँग खेल्ने

माघ १५, २०७७ बिहीबार १६:४७:३६ | उज्यालो सहकर्मी

काठमाण्डाै – वाग्मती प्रदेशलाई हराउँदै त्रिभुवन आर्मी क्लब प्रधानमन्त्री कप क्रिकेटको फाइनलमा पुगेको छ । कीर्तिपुर मैदानमा बिहीवार वाग्मतीलाई ९४ रनले हराउँदै आर्मी उपाधि नजिकै पुगेको हो ।

आर्मीले जितका लागि दिएको दुई सय ३० रनको लक्ष्य पछ्याएको वाग्मतीले ४० ओभर २ बलमा अलआउट हुँदै एक सय ३५ रनमात्रै बनाउन सक्यो । वाग्मतीका कप्तान ज्ञानेन्द्र मल्लले सर्वाधिक ४७ रन जोडे पनि जितका लागि पर्याप्त भएन । आर्मीका जितेन्द्र मुखियाले चार तथा विक्रम सोब र सुसन भारीले तीन/तीन विकेट लिए ।

यसअघि पहिले ब्याटिङ गरेको आर्मीले ५० ओभरमा दुई सय २९ रन बनाएको थियो । उसका लागि राजेश पुलामीले सबैभन्दा धेरै ६५ रन बनाए । वाग्मतीका लागि गौतम केसी एक्लैले पाँच विकेट लिए ।

अब उपाधिका लागि आर्मी र एपीएफले शनिबार खेल्नेछन् ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्