शेयर बजार खासै घटबढ भएन, दुई अर्ब ५३ करोड रुपैयाँको कारोबार
बैशाख १२, २०८१ बुधबार
आउँदो संस्करणको इण्डियन प्रिमियर लिग (आईपीएल) को अक्शनका लागि नेपाल क्रिकेट सङ्घ (क्यान) ले आठ जना खेलाडीले नाम पठाएको छ ।
क्यानले शुक्रवार एक विज्ञप्ति निकाल्दै यसबारेमा जानकारी दिएको हो । क्यानका अनुसार सन्दीप लामिछाने, विनोद भण्डारी, करण केसी, सोमपाल कामी, कुशल मल्ल, शरद भेषवाकर, अविनाश बोहरा र दीपेन्द्रसिंह ऐरिको नाम आईपीएल अक्शनका लागि पठाइएको छ ।
सन्दीपबाहेक अन्य सात खेलाडी पहिलाे पटक अक्शसनमा परेका हुन् । सन्दीपले दिल्ली क्यापिटल्सबाट दुई सिजन खेलिसकेका छन् । गएकाे संस्करणमा भने सन्दीपले एक खेलमा पनि माैका पाएका थिएनन् । यसपालि दिल्लीले सन्दीपलाई नखेलाउने निर्णय गरिसकेकाे छ ।
विश्व क्रिकेटमा आईपीएललाई सबैभन्दा महँगाे र चर्चित लिग मानिन्छ, जहाँ विश्वभरका चर्चित खेलाडीहरू खेल्छन् ।
नेपालबाट आईपीएल अक्शनका लागि पहिलाे पटक यति धेरै खेलाडीकाे नाम पठाइएकाे हाे ।
यसपालि आठ सय १४ भारतीय र दुई सय ८३ विदेशी गरि जम्मा एक हजार ९७ खेलाडी अक्शनमा सहभागी भएका छन् । एसाेसिएट देशका २७ मध्ये नेपालबाट मात्रै आठ खेलाडी परेका हुन् ।
अक्शन आउँदाे फेब्रुअरी महिनाकाे १८ तारिखमा चेन्नईमा हुने बताइएकाे छ ।