‘नेकपा फुटेकै छैन, कांग्रेसले के आधारमा सरकार गठनको कुरा गर्ने ?’

फागुन १३, २०७७ बिहीबार १८:४५:३२ | उज्यालो सहकर्मी

काठमाण्डाै – नेपाली कांग्रेसले नेपाल कम्युनिस्ट पार्टी (नेकपा) भित्रको विवादको टुङ्गो नलागेसम्म नयाँ सरकारको विषयमा कुनै निर्णय नगर्ने भएको छ । बिहीवार बसेको पदाधिकारीको बैठकले अहिले नयाँ सरकारको विषयमा कांग्रेसले कुनै निर्णय र अग्रसरता नलिने निर्णय गरेको कार्यालयका सचिव कृष्णप्रसाद पौडेलले उज्यालोलाई जानकारी दिनुभयो ।

सर्वोच्चले संसद् पुनर्स्थापनकाे फैसला गरे पनि अहिलेसम्म नेकपा कानुनी रूपमा एक रहेको र सरकारसँग दुई तिहाइ मत रहेकाले कांग्रेसले अन्य विषयमा सोच्न उपयुक्त नहुने पदाधिकारी बैठकले निर्णय गरेको छ ।

‘दुई तिहाइ बहुमत नेकपासँगै छ, अहिलेसम्म उनीहरू फुटेका छैनन्, कांग्रेसले के आधारमा सरकार गठनको छलफल गर्ने ?’, एक पदाधिकारीको भनाइ उल्लेख गर्दै सचिव पौडेलले भन्नुभयो ।

सहकार्यका लागि बुधवार प्रचण्ड र माधव नेपालले सभापति देउवालाई भेटेको विषयमा पनि बैठकमा कुरा भएको थियो । जवाफमा देउवाले प्रचण्ड र नेपालसँग कुरा गरेको तर अहिले सरकार गठनमा सहभागी हुने विषयमा कुनै निर्णय नदिएको बताउनुभएको थियो ।

सर्वोच्च अदालतले संसद् पुनर्स्थापनकाे फैसला गरेसँगै प्रचण्ड–नेपाल समूह नयाँ सरकार गठनका लागि दौडधुपमा छ । कांग्रेसको बिहीवारकाे पदाधिकारी बैठकमा १४ औँ महाधिवेशन र क्रियाशील सदस्यताको टुङ्गो लगाउन बनेको छानबिन समितिले आफ्नो प्रगति पेस गरेको छ ।

अन्तिम अपडेट: पुस १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

‘नेकपा फुटेकै छैन, कांग्रेसले के आधारमा सरकार गठनको कुरा गर्ने ?’

फाइल फाेटाे

तपाईको प्रतिक्रिया