डोनाल्ड ट्रम्पले सत्ता सम्हाल्नुअघि नै अमेरिकाले इजरायललाई ८ अर्ब डलरको हतियार पठाउने

पुष २१, २०८१ आइतबार १५:१४:१३ | एजेन्सी

अमेरिकाले नवनिर्वाचित राष्ट्रपति डोनाल्ड ट्रम्पले सत्ता सम्हाल्नुअघि नै इजरायललाई ८ अर्ब डलरको हतियार पठाउने भएको छ । यी हतियार ढुवानीका लागि सरकारले संसद् अर्थात् कांग्रेसलाई जानकारी गराएको बीबीसीले जनाएको छ ।

हतियारको ढुवानीका लागि सदन र सिनेट समितिको स्वीकृति आवश्यक पर्छ । राष्ट्रपति जो बाइडेनले पद छोड्नुभन्दा दुई हप्ताअघि यो निर्णय लिइएको र ट्रम्पले सत्ता सम्हाल्नुअघि नै हतियार इजरायल पुर्‍याइसक्ने योजना रहेको खबरमा उल्लेख छ ।

इजरायलले गाजामा निशस्त्र मानिसको हत्या गरेर मानव अधिकारको हनन र युद्ध अपराध गरिरहेको भन्दै इजरायलमा हतियार नपठाउन संसारका धेरै देशले आग्रह गरेका छन् । तर अमेरिकाले भने यस्ता आग्रहको बेवास्ता गर्दै इजरायललाई हतियार पठाइरहेको छ ।

गएको वर्षको अगस्टमा अमेरिकाले इजरायललाई २० अर्ब डलर बराबरको युद्ध विमान र अन्य सैन्य उपकरण बिक्री गर्न स्वीकृति दिएको थियो । अब पठाउन लागेका हतियारमा एअर–टु–एअर मिसाइल, हेलफायर मिसाइल, तोपका गोला र बमहरू समावेश छन् ।

इजरायललाई अन्तर्राष्ट्रिय कानून र अन्तर्राष्ट्रिय मानव अधिकार कानूनअन्तर्गत आफ्ना नागरिकको रक्षा गर्ने अधिकार भएकाले हतियार पठाउन लागिएको अमेरिकी जिकिर छ । इरान र यसका गठबन्धनहरूको आक्रमणको जवाफ दिन इजरायललाई हतियार बिक्री गरिएको अमेरिकी अधिकारीलाई उद्धृत गर्दै खबरमा उल्लेख छ ।

इजरालले आफूलाई चाहिने हतियारमध्ये ६९ प्रतिशत हतियार अमेरिकाबाट किन्दै आएको छ । सन् २०२३ को अक्टोबर ७ तारिखमा हमासले इजारायलमा आक्रमण गरेयता इजरायलले गरिरहेको आक्रमणमा झन्डै ४६ हजार जना नागरिकको ज्यान गइसकेको छ । गाजा लगभग ध्वस्त भइसकेको छ ।

अन्तिम अपडेट: पुस २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

डोनाल्ड ट्रम्पले सत्ता सम्हाल्नुअघि नै अमेरिकाले इजरायललाई ८ अर्ब डलरको हतियार पठाउने

तस्वीर : राेयटर्स

तपाईको प्रतिक्रिया