सहिद स्मारक 'बी' डिभिजन : श्री भगवतीले झम्सिखेललाई हरायो, आरसीटी र श्री कुमारीले बराबरी खेले

फागुन २०, २०७७ बिहीबार १९:१३:५ | उज्यालो सहकर्मी

काठमाण्डाै – सहिद स्मारक ‘बी’ डिभिजन लिग फुटबलमा बिहीवार भएकाे पहिलो खेलमा श्री भगवती क्लबले झम्सिखेललाई हराएको छ । ललितपुरको सातदोबाटोमा रहेको एन्फा मैदानमा भएको खेलमा श्री भगवतीले झम्सिखेललाई तीन–दुईले हराएको हो ।

श्री भगवतीका आशिष श्रेष्ठ, नवराज गुरुङ र मोहनबहादुर थापा मगरले एक/एक गोल गरे । झम्सिखेलका मदन स्याङतान र अनिश चौधरीले एक/एक गोल फर्काए । जितसँगै नाै खेलमा नाै अङ्क जोडेको श्री भगवती लिगको आठौँ स्थानमा उक्लिएको छ । झम्सिखेल नाै खेलमा ६ अङ्कसहित ११ औँ स्थानमा छ ।

यस्तै एन्फा मैदानमै बिहीवार भएको दोस्रो खेलमा रानीपोखरी कर्नर टिम (आरसीटी) र श्रीकुमारी क्लबले बराबरी खेलेका छन् । आरसीटी र श्रीकुमारी क्लबले एक/एक गोलको बराबरी खेल्दै अङ्क बाँडेका हुन् ।

अजित गुरुङले गोल गर्दै आरसीटीलाई अग्रता दिलाएका थिए तर श्री कुमारीका युवराज राईले गोल गरेपछि खेल बराबरी भयो । बराबरीसँगै आरसीटीले नाै खेलमा १३ अङ्क जोडेको छ । आरसीटी लिगको पाँचौँ स्थानमा छ भने नाै खेलमा आठ अङ्क जोडेर श्री कुमारी नवाैँ स्थानमा छ ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्