रणवीर सिंहसँग विवाहको तयारीमा रहेकी दीपिकाले पूर्वप्रेमीको फोटो सेयर गरिन्

भदौ ४, २०७५ सोमबार १०:३८:४२ | उज्यालो सहकर्मी

बलिउड फिल्म उद्योगमा अहिले रणविर सिंह र दीपिका पादुकोणको विवाहको चर्चा चलिरहेको छ । दीपिका रणवीर यही वर्षको नोभेम्बर २० मा इटालीको कोमो लेकमा विवाह गर्ने र विवाहका लागि यि दुवैले किनमेल समेत सुरु गरिसकेको खबरहरु आइरहेका बेला दीपिकाले यस्तो फोटो सेयर गरेकी छिन् जसका कारण अहिले उनी चर्चामा छिन् । दीपिकाले उनको इन्स्टाग्राममा एक फोटो सेयर गरेकी छिन । जुन फोटोमा उनी रणवीर कपूरका साथ पोज दिइरहेकी देखिन्छिन् ।

रणविर सिंहका साथ विवाहको तयारी गरिरहेकी दीपिकाले अर्का अभिनेता रणवीर कपूरको फोटो सेयर गर्नुलाई यतिबेला सबैले अचम्म मानेका छन् । उनी केही समय अघि रणवीर कपूरसँग गहिरो प्रेममा थिइन् । लामो समयसम्म यि दवै एकअर्काको साथमा रहे तर सम्बन्ध कुनै असमझदारीका कारण टुट्यो । दीपिका रणवीर बीचको प्रेम सम्बन्ध टुटे पनि दुवैले फिल्म ‘तमासा’ र ‘ए जवानी हे दीवानी’ जस्ता हिट फिल्ममा जोडीको रुपमा काम गरिसकेका छन् ।

Capturing Moments 📸📸 #WorldPhotographyDay

A post shared by Deepika Padukone (@deepikapadukone) on Aug 19, 2018 at 1:16am PDT

दुवै अहिले पनि असल साथीको रुपमा एकअर्कासँग आफ्ना कुराहरु सेयर गर्छन् । आइतबार अर्थात अगष्ट १९ मा विश्व फोटाग्राफीे दिवसमा दीपिकाले तिनै पूर्वप्रेमी रणवीर कपूरसँगको फोटो सेयर गरिन् । यो फोटो दीपिका र रणबिरको फिल्म ‘तमाशा’को शुटिङका क्रममा लिइएको हो ।

फोटोमा दीपिका हातमा क्यामेरा समातेर पहाड तथा सुन्दर दृश्यको फोटो लिइरहेकी देखिन्छिन् भने त्यसको ठीक विपरितको पहाडबाट रणवीर कपूर फोटोको लागि पोज दिइरहेका देखिन्छन् । विश्व फोटोग्राफी दिवसका दिन दीपिकाले पूर्वप्रेमिका रणवीर कपूरको फोटोे नै किन सेयर गरिन त ? के रणवीर प्रतिको माया अझै पनि दीपिकाको मनमा बाँकी नै छ ? यसरी फोटो सेयर गर्दा रणवीर सिंहले यसलाई कसरी लिनेछन् ? वा यसले उनको विवाहमा कस्तो असर पर्नेछ ? यि यस्तै खालका प्रश्न तथा आँकलन अहिले विभिन्न मिडिया तथा प्रशंसकले गरिरहेका छन् ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्