'सी' डिभिजन लिगमा समाज कल्याण र सामाजिक युवा क्लबकाे सुखद सुरुवात

चैत ३, २०७७ मंगलबार १९:४१:० | उज्यालो सहकर्मी

काठमाण्डाै – समाज कल्याण खेलकुद केन्द्र र सामाजिक युवा क्लबले सहिद स्मारक 'सी' डिजिजन लिग फुटबलमा विजयी सुरुवात गरेका छन् ।

सातदोबाटोमा रहेकाे एन्फा मुख्यालयको मैदानमा मङ्गलबार सम्पन्न खेलमा समाज कल्याण खेलकुद केन्द्रले पुरानो क्लब सानाेगौचरण युथ क्लबलाई तीन–दुई गोल अन्तरले पराजित गर्‍याे । अर्को खेलमा सामाजिक युवा क्लबले स्वयम्भू क्लबलाई पनि तीन–दुईले हराउँदै लिगमा सुखद सुरुवात गरेकाे हाे ।

पहिलो खेलमा समाज कल्याणलाई जिताउन रूपेश अधिकारी, राकेश विश्वकर्मा र शरद राईले एक/एक गोल गर्दा उर्गेन लामा र रमण तामाङले सानो गौचरणका लागि एक/एक गोल फर्काएका थिए ।

त्यस्तै दोस्रो खेलमा सामाजिक युवा क्लबलाई जिताउन वसन्तबहादुर रानाले ह्याट्रिक गर्दा दुई गोल गरेको स्वयम्भूका लागि महेश लामा र विकी राईले एक/एक गोल गरेका थिए ।

लिगमा बुधवार प्लानिङ ब्वाइज युनाइटेड र चर्च ब्वाइज युनाइटेड तथा वीरगञ्ज युथ एकेडेमी र झापा एफसीबीच खेल हुनेछ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्