बजार अनुगमनमा  बाधा पुर्‍याउने व्यापारीको दर्ता खारेज गर्ने तयारी

 भदौ ५, २०७५ मंगलबार ७:४५:० | उज्यालो सहकर्मी

काठमाडौं – सरकारले बजार अनुगमनको क्रममा बाधा पुर्‍याउने व्यापारीको दर्ता नै खारेजी गर्ने तयारी गरेको छ ।

उद्योग वाणिज्य तथा आपूर्ति मन्त्रालयले अनुगमनमा बाधा पुर्‍याउने व्यापारीको दर्ता नै खारेज गर्ने तयारी गरेको जानकारी दिएको छ । नागरिक ठग्ने र बजार अनुगमनमा बाधा पुर्‍याउने व्यापारीलाई कारबाहीको लागि मंगलबार मन्त्रिस्तरीय बैठक बस्ने तयारी रहेको मन्त्रालयका सहसचिव नवराज ढकालले जानकारी दिनुभयो ।

सोमबार कालिमाटीमा भएको घटनाबाट मन्त्रालय गम्भीर बनेको भन्दै मंगलबार निर्णय गरेर अनुगमनको विरोध गर्ने व्यापारीको दर्ता नै खारेज गर्ने र थप कारबाही गरिने ढकालले जानकारी दिनुभयो ।

कालिमाटी तरकारी बजारको सिन्डिकेट तोड्न अब सरकारले कुनै पनि कसर बाँकी नराख्ने भन्दै प्रवक्ता ढकालले ठग्नुपर्छ भनेर आन्दोलन गर्ने व्यापारीको साथ नलाग्न पनि अन्य व्यापारीलाई आग्रह गर्नुभयो ।

यस्तै सरकारी अनुगमनको विरोधमा नेपाल फलफूल तथा तरकारी व्यवसायीले मंगलबारदेखि तरकारी र फलफूल नै नबेच्ने घोषणा गरेका छन् । सोमबार सरकारले कालिमाटी तरकारी बजारको अनुगमन गर्दा हुँदै नभएका नियमको भरमा आफ्ना नेता पक्राउ गरेको भन्दै  नेपाल फलफूल तथा तरकारी व्यवसायी महासंघले मंगलबारदेखि तरकारी र फलफूल नै नबेच्ने जनाएको छ ।

सरकारले पक्राउ परेका व्यापारी रिहा गर्नुपर्ने र जफत भएको २ गाडी तरकारी पनि फर्काउनुपर्ने माग गर्दै व्यापारीले विरोध जनाएका छन् । सोमबार उद्योग वाणिज्य तथा आपूर्ति व्यवस्थापन विभागले कालीमाटी तरकारी तथा फलफूल बजारमा बील विजक नभएको भन्दै २ वटा तरकारी बोकेका गाडी नियन्त्रणमा लिएको हो ।

त्यसपछि व्यापारीले नाराबाजी गर्दै अनुगमन टोलीलाई नै थुनेपछि प्रहरीले तरकारी तथा फलफूल व्यवासायी महासंघका भरत खतिवडालाई पक्राउ गरेको थियो । 
 

अन्तिम अपडेट: फागुन २६, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

पाकिस्तानमा रेल अपहरणमा परेकामध्ये एक सय ५५ जना यात्रु मुक्त, २७ जना लडाकू मारिए

२

चैतका लागि वाणिज्य बैंकहरूको नयाँ ब्याजदर सार्वजनिक : १७ वटाको स्थिर, ३ वटाले घटाए

३

अन्तरिक्षमा अलपत्र दुई जना यात्रीलाई फिर्ता ल्याउने योजना रोकियो

४

अर्घाखाँचीका कुनै गाउँमा बिजुली नपुगेको भए सूचना दिन प्राधिकरणकाे आग्रह

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई