नागरिकले नेता सच्याउने बेला आयो : जनार्दन शर्मा

चैत २४, २०७७ मंगलबार २०:२:४७ | राजु लामिछाने

रुकुम पश्चिम – नेपाल कम्युनिस्ट पार्टी (माओवादी केन्द्र) का स्थायी कमिटी सदस्य जनार्दन शर्माले नागरिकले नेता सच्चाउने बेला आएको बताउनुभएको छ । नेताले गल्ती गरेमा नागरिकले खबरदारी गर्ने र गलत कामको भण्डाफोर गर्ने अधिकार पाएको भन्दै उहाँले आफूले गल्ती गरेमा नागरिककाे बीचमा माफी माग्न तयार रहेको बताउनुभएको छ ।

३२ औँ जनआन्दोलन दिवसका सन्दर्भमा नेपाल कम्युनिस्ट पार्टी (माओवादी केन्द्र) रुकुम पश्चिमले रुकुम सदरमुकाममा आयोजित आर्थिक समृद्धि, सामाजिक, साँस्कृतिक रूपान्तरणका लागि जन प्रशिक्षण कार्यक्रममा बोल्नु हुँदै पूर्व गृह मन्त्रीसमेत रहनुभएका शर्माले भ्रष्टाचारका विरुद्ध नागरिक जाग्न आह्वान गर्नुभयो ।

उहाँले पार्टी अध्यक्ष प्रचण्डले विकास गरेको समाजवादको दिशालाई रुकुमबाट लागू गर्ने शर्माले उल्लेख गर्नुभयो । नयाँ विचारको निर्माण र संश्लेषणका लागि आधार तयार गर्न आफू तयार भएको बताउँदै उहाँले प्रचण्डले रोपेको समाजवादको बिउमा रुकुमले नर्सरीको रूपमा तयार रहने बताउनुभयो ।

फरक प्रसङ्गमा उत्पादन र बजारीकरणको लागि जिल्लामा श्रम सहकार्य समूहमार्फत कार्य गरेर गरिबीलाई डाँडा कटाउने बताउँदै उहाँले ६ महिनाभित्रै किसानहरूको शेयरमा जिल्लामा दुग्ध उद्योग सञ्चालन गर्ने बताउनुभयाे ।

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्