नेपाल कम्युनिस्ट पार्टी स्थापनाको ७२ वर्ष पूरा, फुटेर नभइ जुटेर अघि बढ्न कार्यकर्ताको आग्रह

वैशाख ९, २०७८ बिहीबार ९:४३:२० | उज्यालो सहकर्मी

काठमाण्डाै – नेपाल कम्युनिस्ट पार्टी स्थापना भएको ७२ वर्ष पूरा भएको छ । ७२ वर्षअघि आजकै दिन २००६ सालमा भारतको कोलकातामा नेपाल कम्युनिस्ट पार्टीको स्थापना भएको थियो । नेकपा स्थापना गर्दा संस्थापक सदस्यमा मोतीदेवी श्रेष्ठ, निरञ्जन गोविन्द वैद्य, नरबहादुर कर्माचार्य र नारायणविलास जोशीलगायत नेताहरू थिए । महासचिवमा पुष्पलाल श्रेष्ठ हुनुहुन्थ्यो ।

२०१५ सालमा भएको पहिलो आम चुनावमा कम्युनिस्ट पार्टीले चार सिट जितेको थियो । त्यसक्रममा केशरजङ्ग रायमाझीले पञ्चायती व्यवस्थाको समर्थन गरेलगत्तै कम्युनिस्ट पार्टी औपचारिक रूपमा विभाजन भएको थियो । २०४६ सालको जनआन्दोलनपछि तत्कालीन माले र मार्क्सवादी मिलेर बनेको एमाले संसदमा ६९ सिटसहित प्रतिक्षमा बसेको थियो । त्यसबेला तत्कालीन जनमोर्चा र अहिलेको माओवादीले नाै सिट जितेर तेस्रो दल बनेको थियो ।

नेपालका कम्युनिस्ट पार्टीहरू धेरैपटक फुट र जुटको शृङ्खलामा सामेल भएका छन् । २०७४ सालको चुनावमा गठबन्धन बनाएर चुनावमा गएका एमाले र माओवादी केन्द्र २०७५ सालको जेठ ३ गते एउटै पार्टी बनाउन सफल भए पनि अहिले फेरि अलग पार्टी बनेको छ ।

सर्वोच्चको फैसलाले एमाले र माओवादीलाई पहिलेकै अवस्थामा पुर्‍याइदिएकाे अहिले सत्तारुढ एमाले पनि फुटको सङ्घारमा पुगेको छ । अध्यक्ष एवम् प्रधानमन्त्री केपी शर्मा ओली र माधव नेपाल समूहले छुट्टाछुट्टै छलफल र कार्यक्रमहरू गर्दै आइरहेका छन् । यसले कार्यकर्तामा भने निराशा छाएको छ । कार्यकर्ताहरु टुटफुटमा नभइ एकीकृत बन्नुपर्ने पक्षमा उभिएका छन् ।

यस्तै नेकपा एमालेका नेता योगेश भट्टराईले नेकपा एमालेको एकता जोगाउँदै कम्युनिस्ट आन्दोलनको रक्षा गर्न कम्युनिस्ट आन्दोलनका सबै नेता, कार्यकर्ता तथा शुभचिन्तकहरू गम्भीर बन्नुपर्ने बताउनुभएको छ । सामाजिक सञ्जालमार्फत उहाँले विवेकसम्मत ढङ्गले अघि बढ्न नेतृत्वलाई आग्रह गर्नुभएको छ ।

‘एकता र विभाजनको लामो शृङ्खला पार गरेको नेपालको कम्युनिस्ट आन्दोलन नेपाली समाजको लोकतान्त्रिक रूपान्तरणको अभिन्न पक्ष बन्न पुगेको छ । यो आन्दोलनले आजसम्म भोगेका कठिन मोडमध्ये आज सबैभन्दा कठिन अवस्थामा रहेको छ । नेकपा एमालेको एकता जोगाउँदै कम्युनिस्ट आन्दोलनको रक्षा गर्न कम्युनिस्ट आन्दोलनका सबै नेता, कार्यकर्ता तथा शुभचिन्तकहरू गम्भीर बनौँ र विवेकसम्मत ढङ्गले अघि बढौँ’, उहाँले लेख्नुभएकाे छ ।

अन्तिम अपडेट: माघ २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Deepak Sherchan
April 22, 2021, 10:27 a.m.
जय नेपाल /
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नेपाल कम्युनिस्ट पार्टी स्थापनाको ७२ वर्ष पूरा, फुटेर नभइ जुटेर अघि बढ्न कार्यकर्ताको आग्रह

1 Comments

Deepak Sherchan

तपाईको प्रतिक्रिया

तपाईको प्रतिक्रिया