ओस्कार २०२१ : उत्कृष्ट फिल्म 'नाेम्याडल्यान्ड', उत्कृष्ट निर्देशक क्लाेई चाओ

वैशाख १३, २०७८ सोमबार १५:३०:८ | एजेन्सी

काठमाण्डाै – यस वर्षको ओस्कार फिल्म पुरस्कारमा फिल्म नोम्याडल्यान्डले तीन ठूला पुरस्कार जितेको छ । यसले उत्कृष्ट फिल्म, उत्कृष्ट निर्देशक र उत्कृष्ट अभिनेत्रीको पुरस्कार पाएको छ ।

नोम्याडल्यान्डका लागि महिला फिल्म निर्देशक क्लोई चाओले सर्वश्रेष्ठ निर्देशकको पुरस्कार पाएकी छिन् । ओस्कार पुरस्कारको ९३ वर्षको इतिहासमा यो पुरस्कार जित्ने क्लोइ दोस्रो महिला हुन् ।

नोम्याडल्यान्डका लागि अभिनेत्री फ्रान्सिस म्याकडोरमेन्डले उत्कृष्ट अभिनेत्रीको पुरस्कार पाइन् ।

चर्चित अभिनेता एन्थनी हप्किन्सले उत्कृष्ट अभिनेताको पुरस्कार प्राप्त गरे । उनी यो पुरस्कार प्राप्त गर्ने अहिलेसम्मकै सबैभन्दा जेठा अभिनेता हुन् । ८३ वर्षीय अभिनेता हप्किन्सले फिल्म ‘द फादर’ का लागि यो पुरस्कार प्राप्त गरेका हुन् ।

सर्वश्रेष्ठ निर्देशकको पुरस्कार स्वीकार गर्दै क्लोई चाओले भनिन्, ‘मैले विश्वमा ज–जसलाई भेटेँ, उनीहरुमा राम्रो नै पाएँ । जति नै मुस्किल अवस्थामा पनि राम्रो बनिरहन अठोट गर्नेहरुका लागि यो पुरस्कार हो । मलाई प्रेरणा दिने सबैलाई यो पुरस्कार दिन चाहन्छु ।’

कोरोना महामारीका बीच विश्वको सबैभन्दा प्रतिष्ठित फिल्म समारोह ओस्कर्सको आयोजना अमेरिकाको लस एन्जेलिसमा दुई ठाउँमा– डब्ली थिएटर र युनियन स्टेशनमा आयोजना गरिएको हो । सन् २००१ देखि ओस्कार पुरस्कारको आयोजना डल्बी थिएटरमा हुँदै आएको थियो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

ओस्कार २०२१ : उत्कृष्ट फिल्म 'नाेम्याडल्यान्ड', उत्कृष्ट निर्देशक क्लाेई चाओ

तस्बिर : एजेन्सी/एएफपी

तपाईको प्रतिक्रिया