एमालेलाई बधाई, अब माओवादीले अरूकाे विराेधमा समय खेर फाल्नु हुँदैन : नेता श्रेष्ठ

 वैशाख ३१, २०७८ शुक्रबार १४:२:४० | उज्यालो सहकर्मी
unn.prixa.net

फाइल फाेटाे

काठमाण्डाै – नेकपा माओवादी केन्द्रका नेता नारायणकाजी श्रेष्ठले अब माओवादी केन्द्रले अरूकाे विराेधमा समय खेर फाल्न नहुने बताउनुभएकाे छ । नेकपा एमालेमा अध्यक्ष केपी शर्मा ओली र वरिष्ठ नेता माधवकुमार नेपाल पक्षकाे विवाद समाधानतिर गइरहेका बेता नेता श्रेष्ठले शुक्रवार सामाजिक सञ्जाल फेसबुकमार्फत यस्ताे बताउनुभएकाे हाे । 

उहाँले लेख्नुभएकाे छ, ‘हाम्रो पार्टी र अन्य कम्युनिस्ट क्रान्तिकारीहरू, मुख्यत: हाम्रो पार्टी नेकपा (माओवादी केन्द्र ) ले अब प्रतिक्रियात्मक भएर अरूको विरोधमा समय खेर फाल्नु हुँदैन । देशभक्ति, क्रान्तिनिष्ठता, सिद्धान्तनिष्ठता र जनसेवालाई आत्मसात् गर्दै व्यवस्थितरूपमा वैचारिक–सांस्कृतिक रूपान्तरण र सङ्गठनात्मक सुदृढीकरणको अभियान सञ्चालन गर्नुपर्छ ।’ 

नेता श्रेष्ठले वैचारिक छिपछिपेपन, विधि–पद्धतिकाे अवज्ञा, व्यक्तिवाद, सङ्कीर्णता, अनेकता, गुटबन्दी, भ्रष्टीकरणबाट माथि उठ्न र त्यसविरुद्ध सङ्घर्ष गर्न पनि दृढ रहनुपर्ने बताउनुभएकाे छ । यति भए मात्रै क्रान्तिकारी पार्टी निर्माण र समाजवादको यात्रामा सफलताउन्मुख हुँदै अघि बढ्न सकिने उहाँकाे भनाइ छ ।  

अहिलेकाे अवस्थामा भने तत्काल सिङ्गो पार्टी पङ्क्ति कोरोना महामारीसँग जुध्न स्वयंसेवामा जुट्न नेता श्रेष्ठले आग्रह गर्नुभएकाे छ । 

बिहीवार (हिजाे) बूढानीलकण्ठमा एक व्यवसायीकाे घरमा एमाले अध्यक्ष ओली र नेता नेपालबीच भेटवार्ता भएकाे छ । भेटपछि छलफल सकारात्मक भएकाे नेता नेपालले प्रतिक्रिया दिनुभएकाे छ । त्यही भेटपछि नेपालतर्फका सांसदकाे राजीनामा पनि टरेकाे थियाे । 

अन्तिम अपडेट: पुस ४, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

निजी क्षेत्रलाई पनि प्रसारण लाइन निर्माणको अनुमति, प्राधिकरणको भूमिका खुम्चियो

२

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

३

इजरायलमा हाइपरसोनिक मिसाइल हानेको यमनको हुथी विद्रोहीको दाबी

४

सहकारी ठगी : लेखा समिति सभापतिकी पत्नी अञ्जला कोइरालासहित २५ जनाविरुद्ध पक्राउ पुर्जी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई