माल्दिभ्समा अड्किएका अष्ट्रेलियन क्रिकेट खेलाडी स्वदेश फर्किए

जेठ ३, २०७८ सोमबार ९:१९:२९ | उज्यालो सहकर्मी

काठमाण्डाै – माल्दिभ्समा अड्किएका ४० जना अष्ट्रेलियन क्रिकेट खेलाडी र कर्मचारी आफ्नो देश फर्किएका छन् । कोरोना महामारी बढ्दै गएपछि मे चार तारिखदेखि आईपीएल क्रिकेट अनिश्चितकालका लागि स्थगित भएको थियो ।

आईपीएल स्थगित भए पनि अष्ट्रेलियाले भारतबाट आफ्ना नागरिकलाई प्रवेशमा रोक लगाएका कारण खेलाडी भारतमै रोकिएका थिए । केही दिन भारत बसेका स्टिभ स्मिथ, डेविड वार्नर, ग्लेन म्याक्सवेल लगायत खेलाडीलाई माल्दिभ्स लगेर एक होटलमा राखिएको थियो । तर अष्ट्रेलियाले पुन: आफ्ना नागरिकलाई स्वदेश फर्कन दिने निर्णय गरेसँगै आज बिहान भारतीय क्रिकेट कन्टोल बोर्ड बीसीसीआईले गरेको चाटर्ड जहाजमा ४० जना खेलाडी र कर्मचारी अष्ट्रेलिया पुगेको क्रिकेट सम्बन्धी वेबसाइट क्रिकइन्फोले जनाएको छ ।

उनीहरु अब १४ दिन अनिवार्य क्वरेण्टीनमा बस्नुपर्नेछ । भारतमा कोरोनाको दोस्रो लहर फैलिएसँगै अष्ट्रेलियाले आफ्नै देशका नागरिकलाई पनि प्रवेशमा रोक लगाउँदै पाँच वर्ष जेल र ६६ हजार अष्ट्रेलियन डलर जरिबाना तिराउनेसम्मको नियम बनाएको थियो ।

यो नियमको चौतर्फी आलोचना भएपछि प्रधानमन्त्री स्कट मोरिसन भारतमा रहेका नागरिक अष्ट्रेलिया फर्कन पाउने निर्णय गर्न बाध्य हुनुभएको छ । अस्ति शनिबारदेखि भारतमा रहेका अष्ट्रेलियन नागरिक घर फर्किइरहेका छन् । भारतमा ९ हजार जना अष्ट्रेलियाका नागरिक रहेका छन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्