२४ घण्टामा ६ हजार ८ सय ९१ सङ्क्रमणमुक्त, ४१ जिल्लामा ५ सयभन्दा धेरै सक्रिय सङ्क्रमित

जेठ ४, २०७८ मंगलबार १८:५२:१३ | रासस

काठमाण्डाै – पछिल्लो २४ घण्टामा नेपालमा आठ हजार दुई सय तीन जनामा कोरोना भाइरसकाे सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार २० हजार दुई सय ८६ जनकाे पीसीआर परीक्षण गर्दा आठ हजार एक सय ३६ जना र ६ सय ९३ जनाकाे एन्टिजेन परीक्षण गर्दा ६७ जनामा सङ्क्रमण पुष्टि भएको हो ।

काेराेना सङ्क्रमणबाट थप एक सय ९६ जनाको ज्यान गएको छ भने २४ घण्टामा ६ हजार आठ सय ९१ जना सङ्क्रमणमुक्त भएका छन् । सक्रिय सङ्क्रमित सङ्ख्या एक लाख १४ हजार पाँच सय २९ पुगेको स्वास्थ्य तथा जनसङ्ख्या मन्त्रालयले जनाएकाे छ ।

४१ जिल्लामा पाँच सय बढी सक्रिय सङ्क्रमित

पाँच सय बढी सक्रिय सङ्क्रमित भएको जिल्लाको सङ्ख्या ४१ पुगेको छ । मोरङ, सुनसरी, झापा, रौतहट, धनुषा, पर्सा, महोत्तरी, बारा, सप्तरी, काठमाण्डाै, भक्तपुर, ललितपुर, चितवन, मकवानपुर, काभ्रेपलाञ्चोक, धादिङ, सिन्धुपाल्चोक, सिन्धुली, नुवाकोट र रामेछापमा पाँच सयभन्दा बढी सक्रिय सङ्क्रमित छन् ।

यसैगरी कास्की, गोरखा, नवलपरासी (पूर्व), तनहुँ, स्याङ्जा, दाङ, बाँके, रुपन्देही, पाल्पा, बर्दिया, कपिलवस्तु, अर्घाखाँची, गुल्मी, नवलपरासी (पश्चिम), सल्यान, सुर्खेत, डडेल्धुरा, कैलाली, कञ्चनपुर, बैतडी र अछाममा सङ्क्रमितको सङ्ख्या पाँच सयभन्दा बढी छ ।

सक्रिय सङ्क्रमितको सङ्ख्या उच्च भएका जिल्लामा निषेधाज्ञा लगाइएकाे छ । निषेधाज्ञा लगाइए पनि सङ्क्रमण दर घट्न सकेको छैन ।

नेपालमा अहिलेसम्म चार लाख ७२ हजार तीन सय ५४ जनामा सङ्क्रमण पुष्टि भएको छ । तीमध्ये ६१ दशमलव ७२ प्रतिशत अर्थात् दुई लाख ९१ हजार पाँच सय ३३ पुरुष र ३८ दशमलव २८ प्रतिशत अर्थात् एक लाख ८० हजार आठ सय २१ महिला छन् । सङ्क्रमितमध्ये तीन लाख ५२ हजार चार सय १४ सङ्क्रमणमुक्त भएका छन् । सङ्क्रमणमुक्त हुनेको दर ७४ दशमलव ६ प्रतिशत रहेको छ । अहिलेसम्म कोरोनाबाट पाँच हजार चार सय ११ ले ज्यान गुमाएका छन् ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

२४ घण्टामा ६ हजार ८ सय ९१ सङ्क्रमणमुक्त, ४१ जिल्लामा ५ सयभन्दा धेरै सक्रिय सङ्क्रमित

स्वास्थ्य मन्त्रालयकाे विवरण

तपाईको प्रतिक्रिया