काेराेना सङ्क्रमण दर केही घट्याे, पछिल्लो २४ घण्टामा परीक्षण गरिएकामध्ये २७ प्रतिशतकाे मात्रै 'पाेजेटिभ' रिपाेर्ट

 जेठ १७, २०७८ सोमबार २०:३७:१८ | उज्यालो सहकर्मी
unn.prixa.net

काठमाण्डाै – नेपालमा (काेभिड–१९) कोरोना भाइरसकाे सङ्क्रमण दर केही घटेको छ । पछिल्लो २४ घण्टामा नमुना परीक्षण गरिएकामध्ये २७ दशमलव २४ प्रतिशतमा मात्र सङ्क्रमण देखिएको स्वास्थ्य तथा जनसङ्ख्या मन्त्रालयले जनाएको छ ।

केही दिन अघिसम्म नमुना परीक्षण गरिएकामध्ये ३५ प्रतिशतभन्दा धेरैमा कोरोना सङ्क्रमण पुष्टि हुने गरेकोमा आज २७ प्रतिशतमा झरेको हो । पछिल्लो २४ घण्टामा चार हजार सात सय ६२ जनामा कोरोना सङ्क्रमण पुष्टि भएको छ । १५ हजार ५५ जनाको पीसीआर परीक्षण गर्दा चार हजार एक सय ७८ जना र दुई हजार चार सय २५ जनाको एन्टिजेन परीक्षण गर्दा पाँच सय ८४ जनामा सङ्क्रमण देखिएको हो ।

यो सङ्ख्यासहित नेपालमा कोरोना सङ्क्रमण पुष्टि हुनेको सङ्ख्या पाँच लाख ६१ हजार तीन सय दुई पुगेको छ ।

यस्तै पछिल्लो २४ घण्टामा ६ हजार चार सय ९१ जना निको भएसँगै निको हुनेको सङ्ख्या चार लाख ४७ हजार चार सय ४६ पुगेको छ । अहिले नेपालमा एक लाख ६ हजार चार सय ७० जना सक्रिय सङ्क्रमित छन् ।

कोरोना सङ्क्रमणबाट थप एक सय १४ जनाको ज्यान गएको छ । पछिल्लो २४ घण्टामा र यस अघिका विवरणसहित एक सय १४ जनाको कोरोना सङ्क्रमणबाट ज्यान गएको स्वास्थ्य तथा जनसङ्ख्या मन्त्रालयले जनाएको छ । योसहित नेपालमा कोरोना सङ्क्रमणबाट ज्यान गुमाउनेको सङ्ख्या सात हजार तीन सय ८६ पुगेको छ ।   

अन्तिम अपडेट: पुस १, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • सुरेशचन्द्र घिमिरे

    May 31, 2021, 9:23 p.m.

    निषेधाज्ञा लगाइएको एक महिनापछि बल्ल सङ्क्रमण दर घट्न लागेको छ,हामीजस्ता धेरै अझैपनि पिसिआर् परीक्षणको दायरामा आउन सकेका छैनाैं,आशा छ हामीलाई त काेराेना भएकाे छैन हाेला।

  •  0 Reply

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

३

निजी क्षेत्रलाई पनि प्रसारण लाइन निर्माणको अनुमति, प्राधिकरणको भूमिका खुम्चियो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई