न्युजिल्यान्डले जित्याे इङ्ल्यान्डसँगकाे टेस्ट शृङ्खला

जेठ ३०, २०७८ आइतबार १८:२३:३७ | उज्यालो सहकर्मी

काठमाण्डाै – इङ्ल्यान्डसँगको दुई खेलको टेस्ट शृङ्खला न्युजिल्यान्डले जितेको छ । बर्मिङ्घममा आइतवार दोस्रो तथा अन्तिम टेस्टमा इङ्ल्यान्डलाई आठ विकेटले हराउँदै न्युजिल्यान्डले शृङ्खला जितेको हो ।

दोस्रो टेस्टमा टस जितेर पहिले ब्याटिङ गरेको इङ्ल्यान्डले पहिलो पारीमा तीन सय तीन रन बनाएको थियो । इङ्ल्यान्डका लागि राेरी बर्न्सले ८१ र ड्यानियल लरेन्सले अविजित ८१ रन बनाए । त्यस्तै डाेमिनिक सिब्लेले ३५ रन जाेडे । बलिङतर्फ न्युजिल्यान्डका ट्रेन्ट बाेल्टले चार, म्याट हेनरीले तीन, अजज पटेलले दुई र निल वाग्नरले एक विकेट लिए ।

न्युजिल्यान्डले भने पहिलो पारीमा तीन सय ८८ रन बनाएको थियो । न्युजिल्यान्डका लागि विल याेङले ८२ रन बनाए भने डेभन कन्वे र रस टेलरले समान ८०/८० रन बनाए । बलिङतर्फ इङ्ल्यान्डका स्टर्ट ब्राेडले चार, मार्क वूड र ओले पाेपले दुई/दुई, जेम्स एन्डरसन र ड्यानियल लरेन्सले एक/एक विकेट लिए ।

दोस्रो पारीमा इङ्ल्यान्ड मात्र एक सय २२ रनमा अलआउट हुँदा न्युजिल्यान्डले ३८ रनको सामान्य लक्ष्य पाएको थियो । इङ्ल्यान्डलाई कम रनमै राेक्न म्याट हेनरी र निल वाग्नरले तीन/तीन विकेट लिए भने ट्रेन्ट बाेलेट र अजज पटेलले दुई/दुई विकेट लिए ।

यसअघि भएको पहिलो टेस्ट बराबरीमा सकिएको थियो । अब न्युजिल्यान्डले आईसीसी विश्व टेस्ट च्याम्पियनशिपको फाइनलमा भारतसँग खेल्नेछ, यो प्रतियोगिता जुन १८ देखि सुरु हुँदैछ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्