युरो कपमा आज प्रि-क्वार्टर फाइनलका अन्तिम दुई खेल हुँदै, इङ्ग्ल्यान्ड र जर्मनीले प्रतिस्पर्धा गर्ने

असार १५, २०७८ मंगलबार ८:५५:५० | उज्यालो सहकर्मी

काठमाण्डौ – युरो कप फुटबलमा आज प्रि-क्वार्टर फाइनलका अन्तिम दुई खेल हुँदै छन् । आज राति पौने १० बजे लण्डनमा इङ्ग्ल्यान्ड र जर्मनीबीचको खेल हुँदैछ ।

इङ्ग्ल्यान्ड समूह 'डी' को विजेताको रुपमा अन्तिम १६ मा प्रवेश गर्दा जर्मनी समूह 'एफ'बाट उपविजेताको रुपमा प्रवेश गरेको थियो । इङ्ग्ल्यान्डको तीन खेलमा ७ अङ्क र जर्मनीको तीन खेलबाट ५ अङ्क रहेको छ ।

यस्तै आजै राति नेपाली समयअनुसार पौने १ बजे स्वीडेन र युक्रेनबीचको खेल हुँदै छ । स्वीडेन समूह 'ई' को विजेता हो भने युक्रेन समूह 'सी'बाट उत्कृष्ट तेस्रो बन्दै अन्तिम १६ मा प्रवेश गरेको हो ।

यसैबीच, साविक उपविजेता फ्रान्सलाई हराउँदै स्विट्जरल्यान्ड क्वार्टर फाइनलमा प्रवेश गरेको छ । गएराति रोमानियामा भएको खेलमा फ्रान्सलाई पेनाल्टी सुटआउटमा ५–४ गोलले पराजित गर्दै स्विट्जरल्यान्ड अन्तिम आठमा पुगेको हो ।

यस्तै स्पेन पनि क्वार्टर फाइनलमा प्रवेश गरेको छ । गएराति कोपनहेगनमा भएको खेलमा तीन पटकको च्याम्पियन स्पेनले क्रोएसियालाई ५–३ गोलले पराजित गर्दै अन्तिम आठमा प्रवेश गरेको हो।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्