वेस्ट इण्डिजसँगको पहिलो एकदिवसीय क्रिकेटमा अष्ट्रेलिया १ सय ३३ रनले विजयी

साउन ६, २०७८ बुधबार १२:१६:४५ | उज्यालो सहकर्मी

काठमाण्डाै – वेस्ट इण्डिजसँगको पहिलो एकदिवसीय क्रिकेटमा अष्ट्रेलिया विजयी भएको छ । यो जितपछि तीन खेलको एकदिवसीयमा अष्ट्रेलियाले १–० को अग्रता बनाएको छ ।

अष्ट्रेलियाले घरेलु टोली वेस्ट इण्डिजलाई डीएल पद्धतीमा १ सय ३३ रनले हराएको हो । अष्ट्रेलियाले दिएको २ सय ५७ रनको लक्ष्यसहित जवाफी ब्याटिङ गरेको वेस्ट इण्डिज २६ ओभर २ बलमा अलआउट हुँदै १ सय २३ रनमा समेटियो ।

वेस्ट इण्डिजका केइरन पोलार्डले ५६ रनको अर्धशतकीय पारी खेले पनि टोलीलाई जिताउन सकेनन् । अष्ट्रेलियाका मिचेल स्टार्कले ५ विकेट लिए । जोश हाजलउडले ३ विकेट लिए । यसअघि पहिले ब्याटिङ गरेको अष्ट्रेलियाले निर्धारित ४९ ओभरमा ९ विकेट गुमाएर २ सय ५२ रन बनाएको थियो । तर डीएल पद्धतिको आधारमा वेस्ट इण्डिजले २ सय ५७ रनको लक्ष्य पाएको थियो ।

अष्ट्रेलियाका कप्तान एलेक्स केरीले ६७ रनको अर्धशतकीय पारी खेले । वेस्ट इण्डिजका हेडन वाल्सले ५ विकेट लिए । अकिल हुसेन र अल्जारी जोशेफले २/२ विकेट लिए । दुई टोलीबीचको दोस्रो खेल शुक्रबार हुनेछ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्