निर्देशक विशाल भारद्वाजले प्रियंका चोपडालाई लिएर अर्काे फिल्म बनाउने

भदौ १४, २०७५ बिहीबार १९:१३:२२ | उज्यालो सहकर्मी

निर्देशक विशाल भारद्वाज अभिनेत्री प्रियंका चोपडालाई लिएर फिल्म निर्माण गर्ने तयारी गरिरहेका छन् ।

भारद्वाजले उनको आउँदै गरेको फिल्म ‘पटाखा’ को प्रमोशनको एक कार्यक्रममा अभिनेत्री प्रियंकाको साथमा एक अर्को फिल्ममा समेत काम गर्ने बताएका हुन ।

उनले यस फिल्मको लागि अहिले प्रियंकाको साथमा विषयवस्तु तथा कथामा काम भइरहेको र यस फिल्मको छायाँकन अर्को वर्षबाट सुरु गर्ने बताएका छन् ।

खबरहरुका अनुसार विशाल भारद्वाज विलियम शेक्सपियरको नाटक ‘ट्वेल्भ्थ नाइट’ मा आधारित फिल्म बनाउन चाहिरहेका छन् ।

उनले यस फिल्मको कथावस्तुको विषयमा प्रियंकासँग छलफल भइरहेको पनि बताएका छन् । निर्देशक भारद्वाजले यसअघि फिल्म ‘सात खून माफ’ र ‘कमिने’ मा प्रियंकासँग काम गरिसकेका छन् ।

विशाल भारद्वाज अहिले फिल्म ‘पटाखा’ को प्रमोशनमा व्यस्त रहेका छन् । यस फिल्ममा सुनील ग्रोवर, सान्या मल्होत्रा, राधिका मदान र विजय राज मुख्य भूमिकामा छन् । यो फिल्म २०१८ को सेप्टेम्बर २८ मा प्रदर्शन हुनेछ ।

अभिनेत्री प्रियंका चोपडा अमेरिकी गायक निक जोनासका साथ इन्गेजमेन्टका कारण चर्चामा छिन् ।

प्रियंकाले इन्गेजमेन्टकै लागि सलमान खानसँगको फिल्म ‘भारत’ छोडेकी थिइन् । उनी अहिले फिल्म ‘स्काइ इज पिंक’ मा मुख्य अभिनेत्रीको भूमिका निर्वाह गरिरहेकी छिन् ।

यस फिल्ममा प्रियंकासँग अभिनेता फरहान अख्तर रहेका छन् भने जायरा वसिम प्रियंका र फरहानको छोरीको भूमिकामा देखिनेछिन् ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्