रोहित पौडेलको प्रशंसा गर्दै भारतीय पत्रिका दैनिक भास्करले लेख्यो– ‘सुपरम्यान क्याच’

भदौ ३१, २०७८ बिहीबार १५:२६:१२ | उज्यालो सहकर्मी

काठमाण्डौ – आईसीसी क्रिकेट विश्व कप लिग–२ अन्तर्गत त्रिदेशीय एकदिवसीय शृङ्खलाको नेपाल र ओमानबीच भएको खेलमा रोहितकुमार पौडेलले लिएको क्याचको चर्चा चुलिएको छ । बाउन्ड्री लाइनमा उफ्रिँदै रोहितले लिएको क्याचको प्रशंसा आईसीसीले पनि गरेको थियो ।

अहिले आएर भारतीय पत्रिका दैनिक भास्करले पनि रोहितले लिएको क्याचको प्रशंसा गरेको छ । दैनिक भास्करले लेखेको छ, ‘नेपाल र ओमानबीच भएको खेलमा रोहित पौडेलले बाउन्ड्री लाइनमा उफ्रिँदै एक अचम्मको क्याच लिए ।’

दैनिक भास्करले रोहितले क्याच आउट गरेको भिडियो राख्दै ‘सुपरम्यान बने रोहित’ भनेर लेखेको छ ।

२६ औँ ओभरमा नेपालका कुशल मल्लको तेस्रो बलमा ओमानका जतिन्दर सिंहले लंग अनतर्फ एक शट खेलेका थिए । जतिन्दरको शट हेर्दा त्यो बलले सजिलै बाउन्ड्री लाइन पार गर्ने लागेको थियो, तर रोहितले त्यो बल क्याच आउट गरे ।

— ICC (@ICC) September 15, 2021

रोहित भाग्दै बाउन्ड्री लाइन नजिक पुगे र हावामा उड्दै, एक हातले बललाई बाउन्ड्री लाइन भन्दा भित्र फ्याँक्दै, हावामा उफ्रँदै बल क्याच गरे । जसका कारण जतिन्दर एक सय सात रन बनाएर पभेलियन फर्के । यो खेल ओमानले पाँच विकेटले जितेको थियो ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्