बलिउड अभिनेता सिद्धार्थ मल्होत्रा नाेरा फतेहीसँग डेटिङमा

भदौ १७, २०७५ आइतबार २०:०:२ | उज्यालो सहकर्मी

एक समयमा अभिनेता सिद्धार्थ मल्होत्रा र आलिया भट्ट एकअर्काको प्रेममा थिए ।

तर आलियाले अर्का अभिनेता रणवीर कपूरलाई पाउनका लागि सिद्धार्थसँगको सम्बन्ध तोडिदिइन् । एक वर्षअघि रणवीरका लागि आलियाले बीचैमा छोडेर गएपछि एक्ला भएका सिद्धार्थ मल्होत्राको नाम त्यस यता कहिले अभिनेत्री ज्याकलिन फर्नान्डिजका साथ जोडियो त कहिले कियरा अड्वाणीका साथ जोडियो ।

तर अहिले ज्याकलिन वा कियारा नभई सिद्धार्थको अर्की अभिनेत्रीका साथ निकटता बढिरहेको खबरहरु सार्वजनिक भएका छन् । खबरहरुका अनुसार सिद्धार्थ यतिबेला डान्सर, मोडल तथा अभिनेत्री नोरा फतेहीका साथ गुपचुप रुपमा समय बिताइरहेका छन् ।

दिलबर फेम नोरा र सिद्धार्थबीचको भेटघाट पछिल्लो समयमा बाक्लिँदै गएको छ । यि दुवैको जोडी बलिउडमा छिट्टै नै हट जोडी बन्ने खबर भारतीय मिडियामा आइरहेका छन् । नोरा फतेही र सिद्धार्थ साँच्चै नै एक अर्कालाई डेट गरिरहेका हुन् भने यो जोडीले आफ्नो अतितलाई बिर्सिएर नयाँ सुरुवात गरिरहेका छन् । साथै बिछोडमा टुटेको एकअर्काको मनलाई दुवैले जोड्न सक्नेछन् ।

मिडिया सामु यस कुरालाई कहिल्यै स्वीकार नगरेपनि नोरा फतेही अंगद बेदीलाई डेट गरिरहेकी थिइन् ।

तर अंगद बेदीले अचानक गोप्य रुपमा नेहा धुपियासँग बिवाह गरेर सबैलाई चकित बनाइदिएका थिए । जून कुरा नोराले पनि सोचेकी समेत थिइनन् ।

तर नोरा फतेही विगतलाई सोचेर दुःखी हुनेहरु मध्येकी अभिनेत्री होइनन् । यस कुराको प्रमाण नोराले नै दिएकी छिन् । उनले एक कार्यक्रममा अंगद बेदी नामको व्यक्तिलाई आफूले अहिलेसम्म नचिनेको बताएकी थिइन् ।

सिद्धार्थ मल्होत्रा फिल्म ‘जबरिया जोडी’ मा अभिनेत्री परिणीति चोपडाका साथ देखिने छन् । अभिनेत्री नोरा फतेही सलमान खानको फिल्म ‘भारत’ मार्फत दर्शकमाझ आउने तयारीमा छिन् ।

अन्तिम अपडेट: कात्तिक १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्