यूएईमा कोरोना सङ्क्रमण दर न्यून, पुरानै लयमा फर्कँदै

असोज ७, २०७८ बिहीबार १२:३२:६ | उज्यालो सहकर्मी

काठमाण्डौ – कोरोना सङ्क्रमण घट्दै गएपछि यूएईले केही सार्वजनिक स्थानमा अनिवार्य मास्कको व्यवस्था हटाएको छ ।

पूर्ण रूपमा खोप लगाइसकेको र सङ्क्रमण दर पनि न्यून रहेको भन्दै यूएईले स्वीमिङपुल, समुद्री किनार लगायतका ठाउँमा मास्क अनिवार्य लगाउनु पर्ने नियम हटाएको हो । यस्तै एकै परिवारका व्यक्तिले निजी सवारीमा हिँड्दा पनि मास्क लगाउन पर्ने छैन ।

यूएईमा पछिल्लो समय दैनिक सङ्क्रमण दर ६२ प्रतिशतले घटेको यूएईको स्वास्थ्य मन्त्रालयले जनाएको छ ।

९२ प्रतिशतभन्दा धेरैले खोपको पहिलो मात्रा लगाएको र ८१ प्रतिशतभन्दा धेरैले खोपको दुवै मात्रा लगाएको यूएईले दावी गरेको छ ।

अहिले पनि अन्य सार्वजनिक स्थानमा मास्क अनिवार्य लगाउन पर्ने छ भने भौतिक दूरी पनि कायम गर्नु पर्ने छ ।

यस्तै पछिल्लो समय यूएईमा कामका लागि जाने बाटो पनि खुल्ला भएको छ । यूएईका कम्पनीहरूले कामदार माग पत्र नेपाली दूतावासमा प्रमाणीकरण गरेर नेपाल पठाउने र विभिन्न नेपाली म्यानपावरमार्फत कामदार लैजान थालिसकेको छन् ।

नेपाली दूतावास आबुधावीकी श्रम काउन्सेलर निर्मला थापाका अनुसार अहिले धेरै जसो निर्माण र अन्य विभिन्न प्राविधिक क्षेत्रमा दक्ष र अदक्ष कामदारको माग छ भने होटल तथा सेवा मूलक व्यवसायका लागि कम्पनीहरूले कामदार ल्याउन सुरु गरेका छन् । त्यस्तै सुरक्षा सेक्युरिटीमा पनि उत्तिकै नेपाली कामदारको माग छ ।

दुबईले गर्ने भनेको विश्व मेला ‘दुबई एक्स्पो २०२०’ कोरोना का कारण यस वर्षलाई सरेको थियो । सोही अनुरूप एक्पोमा काम गर्न भन्दै धेरै कम्पनीले नेपाली कामदार ल्याइरहेका छन् ।

कोरोना महामारीका कारण कामदार लैजान रोकेको यूएईले पछिल्लो समय पूर्ण रूपमा पुरानै लयमा फर्काउन लागेको छ । यूएईमा रहेका रहेका सबै श्रमिकलाई पनि यूएईले निःशुल्क रूपमा खोप लगाइरहेको छ ।

पछिल्लो समयले यूएईले कोरोना सङ्क्रमण रोकथामका लागि लागू गरेका विभिन्न मापदण्डहरू पनि खुकुलो बनाउँदै लगेको छ । यूएईका अन्य राज्यबाट राजधानी आबुधाबी प्रवेश गर्दा अनिवार्य गरिएको पीसीआर रिपोर्टको नियम पनि हटाएको छ । पीसीआर रिपोर्ट बिना नै यूएईका अन्य राज्यबाट आबुधाबी प्रवेश गर्न सकिने छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्