नेपाली फुटबल टोलीलाई राष्ट्रपति भण्डारीको बधाई

 असोज २८, २०७८ बिहिबार १६:१५:१२ | उज्यालो सहकर्मी
unn.prixa.net

फाइल फाेटाे

काठमाण्डाै – राष्ट्रपति विद्यादेवी भण्डारीले साफ फुटबल प्रतियोगिताको फाइनलमा पुगेर राष्ट्रिय गौरव हासिल गर्न सफल भएकामा नेपाली फुटबल टोलीलाई बधाई दिनुभएको छ । 

उहाँले साफ फुटबल प्रतियोगिताको इतिहासमा प्रथम पटक फाइनलमा पुगेर राष्ट्रिय गौरव हासिल गर्न सफल भएकामा नेपाली फुटबल टोलीका सम्पूर्ण खेलाडी, प्रशिक्षक तथा पदाधिकारीलाई सामाजिक सञ्जाल ‘ट्विटर’ मार्फत आज बिहीवार बधाई दिनुभएको हो । 

राष्ट्रपति भण्डारीले खेलको फाइनल प्रतिस्पर्धामा समेत सफलताका लागि अग्रिम शुभकामना दिनुभएको छ । 

हिजाे बुधवार भएको खेलमा बङ्गलादेशलाई बराबरीमा रोक्दै नेपाल पहिलो पटक साफ च्याम्पियनशिपको फाइनलमा पुगेको हो । अब फाइनलमा नेपाल र भारतबीच प्रतिस्पर्धा हुनेछ । बुधवार नै भारतले माल्दिभ्सलाई तीन–एकले पराजित गर्दै नेपालसँगको भेट पक्का गरेको थियो । 

अन्तिम अपडेट: कात्तिक १, २०७८

तपाईको प्रतिक्रिया