साफका पदाधिकारीले नेपालले नजितोस् भनेर गलत निर्णय गरे : अलमुताइरी

असोज ३०, २०७८ शनिबार १३:३२:१९ | उज्यालो सहकर्मी

काठमाण्डाै – साफ च्याम्पियनसिप फुटबलको आज हुने फाइनल खेलमा नेपालका मुख्य प्रशिक्षक अब्दुल्लाह अलमुताइरी प्रतिबन्धनमा परेका छन् । साफ आयोजक कमिटीले नेपालका मुख्य प्रशिक्षक अलमुताइरीले लिग चरणमा बंगलादेश र श्रीलंकासँगको खेलमा पहेँलो कार्ड पाएकाले आज हुने फाइनलमा प्रतिबन्ध लगाइएको जनाएको छ ।

प्रतिबन्धपछि अलमुताइरीले असन्तुष्टि व्यक्त गरेका छन् । भर्चुअल पत्रकार सम्मेलनमा अलमुताइरीले साफको नियमावलीमा रातो कार्ड पाएमा मात्र अफिसियलले अर्को खेल गुमाउने उल्लेख भएपनि आफूलाई दोहोरो पहेँलो कार्ड खाएकै भरमा प्रतिबन्ध लगाइएको भन्दै असन्तुष्टि पोखेका छन् । उनले साफका पदाधिकारीले नेपालले प्रतियोगिता नजितोस् भनेर नियमावलीमै नभएको प्रावधान लागु भएको आरोप लगाएका छन् ।

‘नेपालले साफमा गरेका उत्कृष्ट प्रदर्शनबाट साफका पदाधिकारी खुसी छैनन्, उनीहरुले भारत प्रेरित निर्णय गरे’, अलमुताइरीले भने । नेपाल र बंगलादेशसँगको खेलपछि रेफ्रीमाथि हातपात गर्नेहरुलाई साफ पदाधिकारीले केही नगरेको भन्दै मूख्य प्रशिक्षक अलमुताइरीले भारतीय प्रशिक्षकले रातो कार्ड खाएर मैदान जान पाएनन् भन्दैमा नेपाली प्रशिक्षकलाई अन्याय गर्न नमिल्ने बताएका छन् । दोहोरो पँहाेलो कार्डका कारण आज अञ्जन विष्ट पनि खेल्न पाउने छैनन । नेपाल पहिलोपटक साफको फाइनलमा पुगेको छ । उपाधिको लागि आज राति पौने ९ बजे नेपालले भारतसँग खेल्दैछ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

साफका पदाधिकारीले नेपालले नजितोस् भनेर गलत निर्णय गरे : अलमुताइरी

फाइल तस्बिर

तपाईको प्रतिक्रिया