शेयर बजार तीन अङ्कले घट्याे
बैशाख १३, २०८१ बिहिबार
काठमाण्डाै - इलामका पूर्णचन्द्र तामाङले श्रीमती र छोरीको हत्या गरेका छन् ।
देउमाई नगरपालिका वडा नम्बर ५ का ३४ वर्षीय कमल भनिने तामाङले ३५ वर्षीया श्रीमती सीता र १५ वर्षीया छोरी दीक्षा तामाङको हत्या गरेको इलाम प्रहरीले जनाएको छ ।
आफू धामी भएको भन्दै उनले श्रीमती र छोरीलाई हत्या गरेको जिल्ला प्रहरी प्रमुख एसपी महेन्द्रकुमार श्रेष्ठले जानकारी दिनुभयो ।
गएराति हत्या गरेकाे भए पनि स्थानीयले खबर गरे पछि प्रहरीले बिहान मात्र थाहा पाएको थियो । तामाङले श्रीमती छोरीसँगै घरमा पालेको कुकुरसमेत मारेको प्रहरीले जनाएको छ । श्रीमती र छोरीको हत्या गर्ने तामाङलाई पक्राउ गरी थप अनुसन्धान अगाडि बढाइएको श्रेष्ठले बताउनुभयो ।