टी–२० विश्व कप : न्युजिल्यान्डले स्कटल्यान्डलाई हरायाे

कात्तिक १७, २०७८ बुधबार १९:४९:५ | उज्यालो सहकर्मी

काठमाण्डाै – आईसीसी टी–२० विश्व कप क्रिकेटमा न्युजिल्यान्डले स्कटल्यान्डलाई १६ रनले हराएको छ ।

यूएईको दुबईमा न्युजिल्यान्डले दिएकाे एक सय ७३ रनको लक्ष्य पछ्याएको स्कटल्यान्डले २० ओभरमा पाँच विकेट गुमाएर एक सय ५६ रन मात्रै बनाउन सक्यो । उसका लागि मिचेल लियस्कले सर्वाधिक ४२ रन बनाए । बलिङतर्फ न्युजिल्यान्डका ट्रेन्ट बाेल्ट र इश साेधीले दुई/दुई विकेट लिए ।

यसअघि टस हारेर पहिले ब्याटिङको निम्तो पाएको न्युजिल्यान्डले २० ओभरमा पाँच विकेट गुमाएर एक सय ७२ रन बनायो । उसका लागि मार्टिन गुप्तिलले सात छक्का र ६ चौकासहित ९३ रन बनाए ।

आजको जितसँगै न्युजिल्यान्डकाे तीन खेलमा चार अङ्क भएको छ र सेमिफाइनलको सम्भावना बलियो बनेको छ । याे समूहका सेमिफाइनलमा जानका लागि न्युजिल्यान्ड सबैभन्दा बलियाे देखिएकाे छ । यदि अफगानिस्तानले आफ्नाे बाँकी दुई खेल जितेकाे अवस्थामा आठ अङ्कसहित सेमिफाइनलमा पुग्नेछ । यदि अफगानिस्तानसँग न्युजिल्यान्डले हारेमा भारत र अफगानिस्तानका लागि सेमिफाइनलकाे ढाेका खुल्नेछ । यस्ताे स्थितिमा तीन टिमकाे ६ अङ्क हुनेछ र राम्राे रन रेट हुने टिमले सेमिफाइनल खेल्नेछ ।

स्कटल्यान्ड भने तीन खेलमा अङ्कविहीन भएकाले बाहिरिएको छ । समूह दुईबाट पाकिस्तान सेमिफाइनलमा पुगिसकेको छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्