‘स्टुडेन्ट अफ द इयर २’ बाट डेब्यू गरिरहेकी तारा सुतारिया ‘अर्जुन रेड्डी’ बाट बाहिरिइन्

भदौ २२, २०७५ शुक्रबार १३:१६:२ | उज्यालो सहकर्मी

करण जोहरको निर्माणमा बनिरहेको फिल्म ‘स्टुडेन्ट अफ द इयर २’ बाट बलिउड डेब्यू गरिरहेकी अभिनेत्री तारा सुतारिया अभिनेता शाहिद कपूरको नयाँ फिल्म ‘अर्जुन रेड्डी’ बाट बाहिरिएकी छिन् ।

यसअघि शाहिदको जोडीको रुपमा तारा सुतारियालाई साइन गरिएता पनि अहिले भने उनको ठाउँमा नयाँ अभिनेत्री हुनेछिन् ।

हालै शाहिद दोस्रो सन्तानको पिता भएका छन् । यही कारण फिल्मको छायाँकन मितिमा केही फेरबदल भएको छ । फिल्मको मिति परिवर्तन भएसँगै तारालाई यस फिल्ममा समय दिन मुस्किल भएको छ ।

ताराले फिल्मका लागि समय दिन नसक्ने भएपछि फिल्म निर्माता तथा ताराबीचको समझदारीमा यो निर्णय भएको हो । अब यस फिल्मकी अभिनेत्री को हुनेछिन् भन्नेबारेको खुलासा केही दिन पछाडि मात्रै हुनेछ ।

हाल सुत्केरी बिदा लिएर बसेका शाहिद केही समय पछि मात्रै यस फिल्मको काममा फर्किनेछन् । यसै फिल्मका लागि शाहिदले आफ्नो लुक परिवर्त गर्न सुरु गरिसकेका छन् ।

यता तारा सुतारियाको हातबाट ठूलो प्रोजेक्ट फुस्किए पनि उनी अभिनेता टाइगर श्राफका साथ ‘स्टुडेन्ट अफ द ईयर २’ मार्फत डेब्यू गरिरहेकी छिन् । धर्मा प्रोडक्शनको ब्यानरमा बनेको फिल्ममा काम गर्ने सपना बलिउडका जो कोही कलाकारका लागि सपना साकार भए सरह नै हुन्छ ।

तसर्थ ताराका लागि यस फिल्म मार्फत बलिउड डेब्यू गर्न पाउनु भनेको सपना साकार भएसरह भएको छ ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्