कांग्रेस वाग्मती प्रदेश सभापतिमा इन्द्र बानियाँ विजयी

मंसिर २०, २०७८ सोमबार ८:५४:९ | हरि हुमागाईं

मकवानपुर - नेपाली कांग्रेसको वाग्मती प्रदेश सभापतिमा हेटौँडाका इन्द्रबहादुर बानियाँ विजयी हुनु भएको छ ।

हिजाे भएकाे पुन: निर्वाचनमार्फत बानियाँ अर्का उम्मेदवार जगदीश नरसिंह केसीलाई १५८ मतले पराजित गर्दै वाग्मती प्रदेश सभापतिमा निर्वाचित हुनु भएको हो ।

संस्थापन पक्षका बानियाँलाई दोस्रो चरणको मतदानमा कांग्रेस नेता कृष्णप्रसाद सिटौला पक्षधरका भीमसेन दास प्रधानले समर्थन गर्नुभएकाे थियाे ।

प्रधान पहिलो चरणको मतदानमा तेस्रो स्थानमा रहँदै दोस्रो चरणको मतदान प्रक्रियाबाट बाहिरिनु भएकाे थियाे । बानियाँ कांग्रेस मकवानपुरका सभापति समेत हुनुहुन्छ ।

बानियाँले १ हजार ८५ मत प्राप्त गर्दा उहाँका प्रतिस्पर्धी जगदीश नरसिंह केसीले ९ सय २७ मत मात्र प्राप्त गर्नु भएको छ । १३ मत भने बदर भएको छ । बानियाँ कांग्रेस संस्थापन पक्ष शेरबहादुर देउवा पक्ष र कृष्ण सिटौला पक्षका साझा उमेदवार हुनुहुन्छ भने केसी रामचन्द्र पौडेल पक्षका उमेदवार हुनुहुन्छ । कुल २१ सय ५१ मतमध्ये २ हजार २५ मत खसेको जनाइएको छ ।

कांग्रेसको वाग्मती प्रदेश अधिवेशनमा पहिलो चरणको मतदानमा कुनै पनि उम्मेदवारको ५१ प्रतिशत मत नआएपछि पुनः मतदान भएको हो । आज कृष्ण सिटौला पक्षले पत्रकार सम्मेलन गरेर बानियाँलाई समर्थन गरेकाे जनाएकाे हाे ।

यसअघि शनिवार भएको निर्वाचनमा इन्द्रबहादुर बानियाँले ९ सय ९२, जगदीश्वर नरसिंह केसीले ८ सय ७७ र भीमसेनदास प्रधानले १ सय ९७ मत पाउनु भएकाे थियाे। प्रधानले बानियाँलाई समर्थन गरेसँगै विजयी हुनका लागि सहज भएको हो।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्