नेपालले दियो ओमानलाई ११८ रनको लक्ष्य

फागुन ६, २०७८ शुक्रबार १३:२८:१२ | उज्यालो सहकर्मी

काठमाण्डौ – आईसीसी टी २० विश्वकपको ग्लोबल छनोटको पहिलो खेलमा नेपालले ओमानलाई एक सय १८ रनको लक्ष्य दिएको छ । अल अमेरात क्रिकेट मैदानमा टस हारेर पहिले ब्याटिङ गरेको नेपालले निर्धारित २० ओभरमा ८ विकेट गुमाएर १ सय १७ रन मात्रै जोड्न सक्यो ।

नेपालको स्कोर ६ रन हुँदा पहिलो विकेट झरेको थियो । ओपनर आशिफ शेख मात्र चार रनमा आउट भए । त्यसपछि कुशल भुर्तेल पनि व्यक्तिगत पाँच रनमा बिलाल खानको बलमा आउट हुँदा नेपालको स्कोर १२ रन थियो । यस्तै पूर्व कप्तान ज्ञानेन्द्र मल्ल १५ रनमै आउट भए । दीपेन्द्रसिंह एरी पनि ११ रनमै सीमित भए । सबैभन्दा बढी आरिफ शेखले ३८ रन जोडे । सन्दीप लामिछाने र लाेकेश बमले १६/१६, विवेक यादवले ७ र कमलसिंह ऐरीले मात्र एक रन बनाउन सके ।

बलिङमा ओमानका खवार अलीले ४ र बिलाल खानले २ विकेट लिए । यस्तै फायाज बट र जिसान मक्सुदले एक एक विकेट लिए । अहिले ओमानले १ सय १८ रनको लक्ष्य पछ्याउने क्रममा ब्याटिङ गरिरहेको छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्