'फास्ट ट्र्याक' काे काम २०८१ सालको पुससम्म सकिने सेनाको दाबी

 फागुन १०, २०७८ मंगलबार १६:३३:२४ | उज्यालो सहकर्मी
unn.prixa.net

काठमाण्डाै – नेपाली सेनाले काठमाण्डौ–तराई–मधेश द्रुत मार्ग अर्थात् फ्रास्ट ट्र्याककाे काम यो आर्थिक वर्षभित्र २१ प्रतिशत प्रगति हुने दाबी गरेको छ । सेनाले आज मङ्गलवार पत्रकार सम्मेलन गरेर यो आर्थिक वर्षभित्र २१ प्रतिशत र २०८१ सालको पुस महिनाभित्र फास्ट ट्र्याककाे काम सकिने जनाएको हो । 

आयोजनाको मुख्य चुनौतीका रूपमा रहेको सुरुङ मार्ग र पुल निर्माणका लागि ठेक्का सम्झौता भएर काम सुरु भएकाले २०८१ सालको पुससम्म काम सम्पन्न हुने काठमाण्डौ–तराई–मधेश द्रुत मार्ग सडक आयोजनाका प्रमुख सहायक रथी विकास पोखरेलले जानकारी दिनुभयो ।

७२ दशमलव ५ किलोमिटर लामो द्रुत मार्गमा ६ किलोमिटर सुरुङ हुनेछ भने ८७ ठाउँमा बन्ने पुलको लम्बाइ १० किलोमिटर हुनेछ । ५५ किलोमिटर लम्बाइ सडकले ओगट्नेछ । ५५ किलोमिटरमध्ये ४४ किलोमिटर क्षेत्रमा सडकको काम ९० प्रतिशतसम्म डिजाइन लेभलमा आइसकेको उहाँले बताउनुभयो । 

ललितपुरको खोकना क्षेत्रमा जग्गा मुआब्जा र वातावरणीय प्रभाव मूल्याङ्कनको समस्याका कारण ठेक्का लाग्नै नसकेको सेनाले जनाएको छ । द्रुत मार्ग आयोजनाका लागि चालु आथिक वर्षमा आठ अर्ब ९२ करोड ७९ लाख रुपैयाँ बजेट विनियोजन भएको छ । अब सबैजसो कामले गति लिइरहेकाले आवश्यकताअनुसार सरकारले बजेट विनियोजन गरेमा र खोकनाको विवाद समाधान भएमा २०८१ सालसम्म काम सकिने सहायक रथी पोखरेलले जानकारी दिनुभयो । 

नेपाली सेनाको क्षेत्राधिकार बाहिरका विषय पनि रहेकाले खोकना समस्या समाधानका लागि सरकार र संसद्को विकास समितिलाई जानकारी गराएको सेनाले जनाएको छ । 

अन्तिम अपडेट: पुस ४, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

2 Comments

  • santosh adhikari

    Feb. 24, 2022, 6:29 p.m.

    जति सुकै फास्ट ट्रयाक बनेपनि साधारण जन्ताको लागि भाडादर उहीँ भयपछि के गर्नु तेहि अनुसार ले कि कम गर्न पाय उचित हुने थियो

  •  0 Reply

  • Prakash Bist

    Feb. 23, 2022, 12:22 p.m.

    यो बाटो मा पनि महेन्द्र राज्मार्ग हुने जंगली जनावर हरु को आतन्क हुने त हैन भन्ने मेरो धारणा हो। यश बिसय लाई मध्यनजर गरेर जङ्गल क्षेत्र मा मात्र जाली को बेवास्ता गर्न सक्यो भने उचित हुने थियो ।

  •  0 Reply

तपाईको प्रतिक्रिया

समाचार

लोकप्रिय

१

निजी क्षेत्रलाई पनि प्रसारण लाइन निर्माणको अनुमति, प्राधिकरणको भूमिका खुम्चियो

२

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

३

इजरायलमा हाइपरसोनिक मिसाइल हानेको यमनको हुथी विद्रोहीको दाबी

४

सहकारी ठगी : लेखा समिति सभापतिकी पत्नी अञ्जला कोइरालासहित २५ जनाविरुद्ध पक्राउ पुर्जी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई