युएईमा रहेका नेपाली व्यवसायीसँग मिलेर काम गर्ने प्रतिबद्धता

जेठ २१, २०७५ सोमबार १२:३१:४३ | उमाकान्त पाण्डे

युएईमा रहेका विभिन्न देशका बिजनेश काउन्सिलका प्रतिनिधिले नेपाली व्यवसायीसँग मिलेर काम गर्ने प्रतिबद्धता जनाएका छन् ।

नेपाली बिजनेस काउन्सिल युएईले यहाँ रहेका अन्य देशका काउन्सिल प्रतिनिधिसँग गरेको छलफलमा उनीहरुले ेपाली व्यवसायीसँग मिलेर कामगर्न तयार रहेको बताएका हुन् ।

काउन्सिलले आफ्नो दोस्रो साधारणसभाको अवसरमा बिजनेस नेट्वर्किङ विषयमा छलफल गरेको हो । कार्यक्रममा युएईमा रहेका भारतीय, पाकिस्तान र फिलिपिन्स बिजनेस काउन्सिलका अध्यक्ष तथा प्रतिनिधि सहभागी थिए ।

पाकिस्तानी कन्सुलेटबाट महावाणिज्यदूत डा.नासिर खान, फिलिपिन्स बिजनेस काउन्सिलका अध्यक्ष मिस मारियम, सिइओ क्लबका सिइओ डा.तारिख निजामी र पाकिस्तान बिजनेस काउन्सिलका उपाध्यक्ष कामरान अहमद लगायतले बोल्नुभएको थियो ।

नेपाली बिजनेस काउन्सिल युएईमा व्यवसाय गरिरहेका नेपालीहरुको प्रतिनिधिमुलक संस्था हो ।

यसैबिच काउन्सिलको दोस्रो साधारणसभाले अध्यक्षमा डा. आशिफ अलि सिद्दिकीलाई दोस्रो कार्यकालका लागि निर्विरोध चयन गरेको छ ।

आगामी दुवई एक्स्पो २०२० सम्मका लागि अध्यक्ष सिद्दिकीसहित उपाध्यक्षमा चन्द्रप्रसाद सापकोटा, नेत्रप्रसाद शर्मा, उमेशकुमार न्यौपाने, महासचिवमा दिपकराज पौडेल र कोषध्यक्षमा एकेन्द्रबहादुर थापालाई चयन गरेको हो ।

काउन्सिलको कार्यसमिति सदस्यमा सूर्यकुमार गिरी, मिलन बस्नेत, लोकेन्द्रबहादुर बम, अशोक खड्का, र होमबहादुर रानाभाट चयन हुनुभएको छ । काउन्सिलले रमदानको महिना भएकाले इफ्तार पनि प्रदान गरेको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्