पाकिस्तान र अस्ट्रेलियाकाे पहिलो टेस्ट बराबरीमा, पाकिस्तानका ३ जना खेलाडीले ४ शतक बनाए

फागुन २४, २०७८ मंगलबार १८:०:५७ | उज्यालो सहकर्मी

काठमाण्डाै – पाकिस्तान र अस्ट्रेलियाबीचकाे पहिलो टेस्ट क्रिकेट बराबरीमा सकिएको छ । रावलपिन्डीमा अस्ट्रेलियाले दोस्रो पारीको ब्याटिङ नै गर्न नपाइ पाँचौँ दिनको खेल सकिएपछि टेस्ट बराबरीमा सकिएको हो ।

पहिलो पारीमा १७ रनको अग्रता बनाएको पाकिस्तानले दास्रो पारीमा कुनै पनि विकेट नगुमाइ दुई सय ५२ रन बनायो । पाकिस्तानका अब्दुल्लाह सफिक र इमाम उल हकले शतक प्रहार गरे । उल हकले पहिलो पारीमा पनि शतक प्रहार गरेका थिए । यस्तै पहिलो पारीमा अजहर अलीले पनि शतक प्रहार गरेका थिए । एउटै टेस्टमा पाकिस्तानका तीन जना खेलाडीले चार वटा शतक बनाउन सफल भए ।

पाकिस्तानले पहिलो पारीमा चार सय ७६ रन बनाएको थियो भने अस्ट्रेलियाले चार सय ५९ रन बनायो । पहिलो पारीमा बलिङतर्फ पाकिस्तानका नुमान अलीले ६ विकेट लिए । अस्ट्रेलियाका चार जना खेलाडीले अर्धशतक प्रहार गरे । डेभिड वार्नर, मार्नुस लाबुशेन, उसमान ख्वाजा र स्टेभिन स्मिथले अर्धशतक बनाएका हुन् ।

अस्ट्रेलियाकाे टोली झन्डै २५ वर्षपछि पाकिस्तान भ्रमणमा रहेको छ । यी दुई देशबीच तीन खेलको टेस्ट, तीन खेलको एकदिवसीय र एक खेलको टी–२० शृङ्खला हुँदैछ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्