आफूलाई प्रहरी भन्दै धम्क्याएकाे आराेपमा दुई जना पक्राउ

चैत ४, २०७८ शुक्रबार १९:५४:२१ | नवीन गुरुङ

सङ्खुवासभा – सङ्खुवासभाको खाँदबारी नगरपालिका ८ मा नक्कली प्रहरी पक्राउ परेका छन् । जिल्ला प्रहरी कार्यालय सङ्खुवासभाले आज शुक्रवार पत्रकार सम्मेलन गरेर आफूलाई प्रहरी भन्दै धम्क्याएकाे आरोपमा दुई जनालाई सार्वजनिक गरेको हो ।

पक्राउ पर्नेमा पाँचखपन नगरपालिका ४ का अर्जुन तामाङ र रमेशकुमार तामाङ रहेका छन् । उनीहरूलाई प्रहरीको पोसाकसहित पक्राउ गरिएको जिल्ला प्रहरी कार्यालय सङ्खुवासभाका प्रहरी नायब उपरीक्षक (डीएसपी) लालध्वज सुवेदीले बताउनुभयो ।

रमेशले आफूलाई नभनी माइत गएको भन्दै श्रीमती प्रमिलालाई अपहरण गर्नका लागि चार जनालाई नक्कली प्रहरी बनाएर परिचालन गरेका र तीमध्ये रमेश र अर्का एक जना पक्राउ परेको प्रहरीको भनाइ छ । फरार रहेका अन्य तीन जनाको खोजी भइरहेको प्रहरीले जनाएको छ ।

पक्राउ परेकाहरूको साथबाट प्रहरी नायब निरीक्षक, प्रहरी हवददार र जवानको दज्र्यानी चिह्नसहितको पोसाक र जुत्ता फेला परेको छ । उनीहरुलाई ज्यान मार्ने उद्योग मुद्दा दर्ता गरिएको प्रहरीको भनाइ छ ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्