आईपीएल क्रिकेटमा चेन्नईलाई हराउँदै कोलकाताको विजयी सुरुवात

चैत १३, २०७८ आइतबार ६:५०:५९ | उज्यालो सहकर्मी

काठमाण्डाै - इन्डियन प्रिमियर लिग (आईपीएल) क्रिकेटमा कोलकाता नाइट राइडर्सले विजयी सुरुवात गरेको छ ।

हिजो भएको उद्घाटन खेलमा चेन्नई सुपर किङ्ग्सलाई ६ विकेटले हराउँदै कोलकाताले विजयी सुरुवात गरेको हो । पहिलो खेलमा चार पटकको विजेता चेन्नई कोलकातासँग पराजित भयो । १ सय ३२ रनको विजयी लक्ष्य कोलकाताले १८ ओभर ३ बलमा ४ विकेट गुमाउँदै भेट्टायो ।

कोलकाताका अजिक्या रहाणेले सर्वाधिक ४४ रन बनाए । चेन्नईका ड्वेन ब्राभोले ३ तथा मिचेल सान्टनारले एक विकेट लिए । वानखडे मैदान मुम्बईमा टस हारेर पहिला ब्याटिङ गरेको चेन्नईले निर्धारित २० ओभरमा ५ विकेट गुमाउँदै १ सय ३१ रन बनाएको थियो ।

चेन्नईका पूर्व कप्तान महेन्द्रसिंह धोनी ५० रनमा अविजित रहे । डेब्यु कप्तानी गरेका जडेजा २६ रनमा अविजित रहे । सन् २००८ देखि चेन्नईको कप्तानी गर्दै आएका धोनीले यस पटक रविन्द्र जडेजालाई कप्तानी हस्तान्तरण गरेका छन् ।

आईपीएलमा आज दुई वटा खेल हुँदैछन् । दिल्ली क्यापिटल्स र मुम्बई दिउँसो पौने चार बजे र पञ्जाब किङ्ग्स र रोयल च्यालेञ्जर्स बेङ्ग्लोर बेलुका पौने आठ बजे खेल्दैछन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्