साफ यू–२० च्याम्पियनशिप उपाधि जित्ने नेपालको दाबी

साउन ८, २०७९ आइतबार १८:५४:४३ | उज्यालो सहकर्मी

काठमाण्डौ – भारतमा आयोजना हुन लागेको साफ यू–२० च्याम्पियनशिपमा नेपाली युवा टोलीका मुख्य प्रशिक्षक मेघराज केसीले आफ्नो टोलीले उपाधि जित्ने दाबी गरेका छन् ।

भुवनेश्वरमा आज आइतवार भएको प्रि– म्याच कन्फ्रेन्समा प्रशिक्षक केसीले नेपाली टोलीको सबै तयारी पूरा भएको र उपाधि जित्नेमा विश्वस्त रहेको बताएका हुन् । कोरोना महामारीका कारण पछिल्लो दुई वर्षदेखि उमेर समूहका प्रतियोगिता नभएका कारण यस पटक मुख्य प्रशिक्षक मेघराज केसीले खुला प्रतिस्पर्धाबाट युवा टोली तयार गरेका छन् । प्रतियोगिताका लागि टोलीले दुई महिनादेखि तयारी गरेको र यस टोलीबाट आफू धेरै आशावादी रहेको उनकाे भनाइ छ ।

यस्तै प्रि–म्याचमा कप्तान आयुष घलानले प्रतियोगिताका लागि आफ्नो टोली तयार भएको बताए । माल्दिभ्ससँगकाे पहिलो खेलमा तीन अङ्कका लागि खेल्ने उनले बताए ।

प्रतियोगिताको उद्घाटन खेलमा नेपालले पर्सि मङ्गलवार माल्दिभ्ससँग खेल्न लागेकाे हाे । भुवनेश्वरको कालिंगा रङ्गशालामा हुने खेल नेपाली समयअनुसार दिउँसो सवा ४ बजे सुरु हुनेछ ।

यस्तै नेपालसँग खेल्न लागेकाे माल्दिभ्स टाेलीका प्रशिक्षक अहमद शाकिरले नेपाली युवा टोली आफ्ना लागि नौलो रहेको कारण खेल्न कठिन हुने प्रतिक्रिया दिए । उनले आफ्ना धेरैजसाे खेलाडी माल्दिभ्सको शीर्ष श्रेणीको लिग खेलिरहेका कारण नतिजा आफ्नो पक्षमा आउने विश्वास व्यक्त गरे ।

यसअघि १९ र १८ वर्षको उमेर समूहमा हुँदै आएको यस प्रतियोगिता यस पटक २० वर्षमुनिको उमेर समूहमा हुन लागेको हो । प्रतियोगितामा नेपालले आफ्नो दोस्रो खेलमा श्रीलङ्कासँग जुलाई २७, भारतसँग जुलाई ३१ र बङ्गलादेशसँग अगस्ट २ मा खेल्ने तालिका छ । राउन्ड रोबिन लिगपछि तालिकाको शीर्ष दुई टोलीबीच अगस्ट ५ मा फाइनल खेल हुनेछ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्