तनहुँ दुर्घटना अपडेट : मृत्यु हुने दुवैको सनाखत

असोज ९, २०७५ मंगलबार १२:२१:१७ | उज्यालो सहकर्मी

तनहुँ – पृथ्वी राजमार्ग अन्तर्गत तनहुँमा मंगलबार बिहान भएको सडक दुर्घटनामा ज्यान गुमाएकी महिलाको सनाखत भएको छ । मृत्यु हुनेमा व्यास ४ निवासी चिजामाया श्रेष्ठ रहेको जिल्ला प्रहरी कार्यालय तनहुँले जनाएको छ ।

पोखराबाट दमौलीतर्फ आउँदै गरेको लु १ ख ४१९४ नम्बरको बस र दमौलीबाट पोखरातर्फ जाँदै गरेको बा ३ ख ४४४२ नम्बरको माइक्रोबस म्याग्दे ४ मनहरीमा मंगलबार बिहान दुर्घटना हुदाँ २ महिलाको घटनास्थलमा ज्यान गएको थियो । दुर्घटनामा ज्यान गुमाएका व्यास ११ मुलपानी घर भई हाल व्यास १ बस्ने सरस्वती कुँवर र चिजामायाको शव परिक्षणका लागि दमौली अस्पतालमा राखिएको छ ।

दुर्घटनामा परी ८ यात्रु घाइते भएका छन् । घाइते मध्ये माइक्रो चालक म्याग्दे १ का तुलबहादुर विक र व्यास २ निवासी विष्णुमाया बस्नेतको अवस्था गम्भीर रहेको जिल्ला प्रहरी कार्यालय तनहुँले जनाएको छ । उनीहरु दुवैको गण्डकी मेडिकल कलेज पोखरामा उपचार भैरहेको छ ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्