सूर्यकुमार यादव टी–२० वरीयताकाे दोस्रो स्थानमा, बाबरको शीर्ष वरीयता ‘जोखिममा’

साउन १९, २०७९ बिहीबार १४:१०:७ | उज्यालो सहकर्मी

काठमाण्डाै – भारतका उदीयमान ब्याटर सूर्यकुमार यादवले टी–२० अन्तर्राष्ट्रिय क्रिकेटकाे ब्याटिङ वरीयतामा फड्को मारेका छन् । सूर्यकुमार यादवको फड्कोसँगै वरीयताको पहिलो नम्बरमा रहेका पाकिस्तानका कप्तान बाबर आजमको वरीयता गुम्ने खतरा बढेको छ ।

यादव वेस्ट इन्डिजसँग चलिरहेको शृङ्खलामा राम्रो लयमा रहेका छन् । आईसीसीले हिजो गरेको वरीयताको साप्ताहिक अपडेटमा यादव तीन स्थान सुधार गरेर दोस्रो स्थानमा पुगेका छन् । सूर्यकुमार यादव शीर्ष स्थानका बाबर आजम भन्दा जम्मा २ रेटिङ अङ्कले मात्रै पछि रहेका छन् । बाबरको ८ सय १८ र यादवको ८ सय १६ रेटिङ अङ्क रहेको छ ।

यादवले अहिले पाएको ८ सय १६ अङ्क विराट कोहली र केएल राहुल पछि कुनै भारतीयले हासिल गरेको तेस्रो उच्च अङ्क हो । यादवले गएकाे वर्षको सुरुमा मात्रै अन्तर्राष्ट्रिय क्रिकेटमा डेब्यु गरेका थिए र गएकाे महिना इङ्ल्यान्डसँगको शतक र अस्ति मङ्गलवार वेस्ट इन्डिजविरुद्धको अर्धशतकपछि उनको वरीयतामा निकै सुधार भएको हो ।

याेसँगै यादव यस वर्षको अन्त्यमा हुने आईसीसी टी–२० विश्व कपका लागि अस्ट्रेलिया जाने सम्भावना पनि बढेको छ ।

टी–२० को ब्याटिङ वरीयतामा पाकिस्तानका मोहम्मद रिजवान तेस्रो र दक्षिण अफ्रिकाका एडियन मार्करम चौथो स्थानमा झरेका छन् ।आईसीसीले त्रूटिपूर्ण तरिकाले वरीतया निर्धारण गरिरहेको भन्दै पाकिस्तानी क्रिकेट समर्थक भने आक्रोशित भएका छन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सूर्यकुमार यादव टी–२० वरीयताकाे दोस्रो स्थानमा, बाबरको शीर्ष वरीयता ‘जोखिममा’

तस्बिर : एजेन्सी

तपाईको प्रतिक्रिया