अभिनेत्री करीना अब रेडियो कार्यक्रम सञ्चालिका: पहिलो पाहुना सनी लियोनी

असोज १०, २०७५ बुधबार १५:६:२० | उज्यालो सहकर्मी

अभिनेत्री करीना कपूर खान फिल्ममा मात्रै नभई अब रेडियोको माध्यमबाट आफ्ना फ्यानहरु माझ आउने तयारीमा छिन् ।

करीनाले उनको रेडियो कार्यक्रमको रेकर्डिङ पनि सुरु गरिसकेकी छिन् । यसैबीच करीनाको यस कार्यक्रममा पहिलो पाहुनाको रुपमा अभिनेत्री सनि लियोनी आउने खबर यतिबेला चर्चामा रहेको छ । करीना र सनीले यस कार्यक्रममा फिल्म, विवाह र बालबच्चाको विषयमा कुराकानी गर्नेछन् ।

करीना कपूर खान र सनी लियोनी अहिल बलिउडका ‘हट मम’ को रुपमा परिचित छन् । करीनाका छोरा तैमुर अली खान पापाराजीहरुबीच निकै चर्चित छन् । तैमुर घरमा हुँदा होस् वा घर बाहिर जहीँ तहीँ क्यामेराले उनलाई पछ्याईरहेका हुन्छन् ।

सनी लियोनी भने एडप्शन र सरोगेसीका माध्यमबाट आमा बनेकी हुन । उनी आफ्ना २ सन्तानहरुका बारेमा निकै होसियार छिन् । साथै उनी आफ्ना बच्चालाई मिडियाभन्दा टाढा नै राख्न चाहन्छिन् ।

खबरहरुका अनुसार करीना कपूर खानको रेडियो कार्यक्रम यही डिसेम्बरबाट सुरु हुनेछ । यस कार्यक्रममा करीना उनका स्रोताहरुको समस्या सुनेर उनीहरुसँग आफ्नो अनुभव साटासाट गर्नेछिन् । स्रोताहरुले फोन मार्फत करीनासँग कुराकानी गर्न पाउनेछन् । उनको यो शो भारतको इश्क १०४.८ एफएमबाट प्रसारण हुनेछ ।

अन्तिम अपडेट: कात्तिक १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्