३ दिनदेखि स्वास्थ्य केन्द्रमा ताला र काँडेबार

साउन २९, २०७९ आइतबार १५:४३:८ | राजु लामिछाने

रुकुम पश्चिम – आधारभूत सेवाअन्तर्गत पर्ने स्वास्थ्य सेवा प्रवाह गरिरहेको एक स्वास्थ्य केन्द्रमा तालाबन्दी गरिँदा तीन दिनदेखि बन्द अवस्था रहेको छ । चौरजहारी नगरपालिका ८ लयटामा रहेको आधारभूत स्वास्थ्य सेवा केन्द्रमा गएको शुक्रवारदेखि तालाबन्दी गरिएको हो ।

स्वास्थ्य सेवा केन्द्रमा कार्यालय सहायोगी राख्ने विषयमा जग्गाधनीले विवाद गरेर तालाबन्दी गरेका हुन् । स्वास्थ्य केन्द्र प्रमुख तिलक लामिछानेका अनुसार शुक्रवारदेखि नै कार्यालयमा ताला लगाउनुका साथै कार्यालय जाने बाटो बन्द गरिएको छ । कार्यालयको ढोकामा ताला, कार्यालय वरिपरि काँडा र तारबार लगाएर बन्द गरिएको लामिछानेले बताउनुभयो । शुक्रवार सार्वजनिक बिदा भएकोले कर्मचारी नआएका र आइतवार कार्यालय आउँदा बन्द देखिएपछि नगरपालिकामा खबर गरिएको स्वास्थ्य केन्द्र प्रमुख लामिछाने जनाउनुभयो । कार्यालयको गेटमा र मूल ढोकामा ताला लगाईएको छ ।

स्वास्थ्य केन्द्रको जग्गा उपलब्ध गराएका स्थानीय बलवीर पुन र उहाँको परिवारले कार्यालय सहयोगी आफ्नो मान्छे नराखेको भन्दै तालाबन्दी गरेका हुन् । जग्गादाताको परिवारलाई उपेक्षा गर्दै स्वास्थ्य केन्द्रको कार्यालय सहयोगीमा नगरपालिकाले अर्को मान्छे नियुक्ति गरेको भन्दै तालाबन्दी गरेको उनीहरूले जनाएका छन् । नगरपालिकाले स्वास्थ्य केन्द्रको कार्यालय सहयोगोयीको रूपमा स्थानीय सिर्जना घर्ती मल्ललाई नियुक्त गरेर पठाएको थियो ।

स्वास्थ्य केन्द्र बन्द भएपछि उपचारका लागि आएका बिरामीले सास्ती पाएका छन् । स्वास्थ्य केन्द्र बन्द भएको देखेपछि बिरामी बाध्य भएर चौरजहारी जान थालेका छन् । बिहानै आएका ज्वरो र रुघाखोकीका पाँच जना बिरामी फर्किएका स्थानीयवासीले बताएका छन् । स्वास्थ्य केन्द्रको तालाबन्दी खुलाउनका लागि वडा कार्यालयले पहल गरिरहेको बताइएको छ ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

३ दिनदेखि स्वास्थ्य केन्द्रमा ताला र काँडेबार

ताला र काँडेबार लगाएर बन्द गरिएको चौरजहारीको आधारभूत स्वास्थ्य सेवा केन्द्र । तस्बिर : राजु लामिछाने

तपाईको प्रतिक्रिया