सिट बाँडफाँटकाे टुङ्गाे चाँडै गर्नुपर्छ : मन्त्री कार्की

साउन ३०, २०७९ सोमबार २०:३:५७ | उज्यालो सहकर्मी

काठमाण्डाै – सत्ता गठबन्धनको सिट बाँडफाँट कार्यदलको बैठकले चाँडो भन्दा चाँडो आफ्नो गृहकार्य पूरा गर्नका लागि कामलाई व्यवस्थित रूपले अघि बढाएको जनाएको छ । आज साेमवार बालुवाटारमा बसेकाे बैठकपछि सरकारका प्रवक्ता एवम् सञ्चार तथा सूचना प्रविधिमन्त्री ज्ञानेन्द्रबहादुर कार्कीले यस्ताे जानकारी दिनुभएकाे हाे ।

मन्त्री कार्कीले सिट बाँडफाँटको मापदण्ड बनाउँदा विसं २०७४ सालको चुनावमा प्राप्त मत, समानुपातिक मत र २०७९ मा पालिका चुनावमा प्राप्त गरेको मतलाई आधार बनाउने बताउनुभयो । उहाँले नेकपा (एकीकृत समाजवादी) ले २०७४ सालमा चुनावमा प्रतिस्पर्धा नगरेकाले त्यसलाई विशिष्ट रूपमा राख्दै मापदण्ड तय गर्ने बताउनुभयो । सिट बाँडफाँटको टुङ्गो सकेसम्म आउँदो बुधवारसम्म सक्ने लक्ष्य रहेको उहाँको भनाइ छ । उहाँले सकेसम्म बाँडफाँट कार्यादलकै बैठकबाट मिलाएर सिटको टुङ्गोको बारेमा नेतृत्वमा प्रतिवेदन दिने मनसाय रहेको बताउनुभयो ।

मन्त्री कार्कीले सरकारले कसैकोविरुद्ध पनि गठबन्धन नगरेको भन्दै गठबन्धनमा आउन चाहनेलाई सकारात्मक रूपमा कुरा अघि बढाएको बताउनुभयो । सिट बाँडफाँट कार्यदलको बैठक बुधवार दिउँसो ४ बजे बस्नेछ ।

यसैबीच मन्त्री कार्कीले नागरिकता विधेयक अध्ययन गरेर अघि बढाइने बताउनुभएको छ । राष्ट्रपति भण्डारीले आइतवार बेलुकी पुनर्विचारका लागि नागरिकता विधेयक सङ्घीय संसद्मा फिर्ता पठाउने निर्णय गर्नुभएको थियो । ‘नेपाल नागरिकता ऐन २०६३ लाई संशोधन गर्न बनेको विधेयकमा नेपालको संविधानबमोजिम नागरिकता प्राप्तिसम्बन्धी विषयमा सङ्घीय संसद्बाट पुनर्विचार हुन आवश्यक देखिएकाले’ भन्दै राष्ट्रपतिले फिर्ता पठाउनुभएको थियो ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सिट बाँडफाँटकाे टुङ्गाे चाँडै गर्नुपर्छ : मन्त्री कार्की

फाइल तस्बिर

तपाईको प्रतिक्रिया