दसैँमा दुई हजार खसीबोका र च्यांग्रा काठमाडौँ ल्याइँदै

असोज १०, २०७५ बुधबार १८:३८:२० | उज्यालो सहकर्मी

काठमाडौं - नेपाल खाद्य संस्थानले दसैंमा काठमाडौंका उपत्यकामा मासुको आपूर्तिका लागि दुई हजार खसीबोका र च्यांग्रा खरिद गरेर ल्याउने भएको छ ।

संस्थानका सूचना अधिकारी शंकर सापकोटाले एक हजार खसीबोका र एक हजार च्यांग्रा ल्याउने तयारी गरिएको बताउनुभयो । संस्थानले मुस्ताङबाट च्यांग्रा खरिद गरेर काठमाडौं ल्याउने छ ।

संस्थानको शाखा कार्यालय मुस्ताङले खरिद गरेको च्यांग्रा काठमाडौंसम्म ल्याउन संस्थानले ढुवानी दरभाउपत्र आव्हान समेत गरिसकेको छ । म्याग्दीको बेनीबाट काठमाडौंसम्म ल्याउन यही १६ गते विहानसम्ममा इच्छुक फर्म वा कम्पनीहरुले दरभाउपत्र दाखिला गर्न सक्ने संस्थानले सूचना प्रकाशित गरी जानकारी दिएको छ ।

संस्थानले घटस्थापना भन्दाअघि खसीबोका र च्यांग्रा काठमाडौं ल्याइपुर्‍याउने सूचना अधिकारी शंकर सापकोटाले बताउनुभयो । उहाँका अनुसार संस्थानले खसीबोका दाङको तुलसीपुरस्थित अञ्चल कार्यालयबाट पाँच सय र मकवानपुरको हेटौँडाबाट पाँच सय खरिद गर्ने छ ।

खाद्य संस्थानले खसीबोका र च्याङ्ग्राको खरिदका लागि तीन करोड ४९ लाख रुपैयाँ विनियोजन गरेको छ । संस्थानले ल्याएको खसीबोका र च्यांग्रा बजार मूल्यभन्दा १० रुपैयाँ कम मूल्यमा बिक्री गर्ने निर्णय गरिएको पनि उहाँले बताउनुभयो ।

गत वर्ष सस्थानले पच्चीस सय खसीबोका र च्यांग्रा माग गरेकोमा १८ सयभन्दा बढी नआएकाले यसपटक संस्थानले दुई हजार मात्रै ल्याउने लक्ष्य लिएको पनि सापकोटाले जानकारी दिनुभयो । खसी र च्याङ्ग्रा थापाथलीस्थित अञ्चल कार्यालयबाट वितरण गरिनेछ ।

अन्तिम अपडेट: फागुन २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्